O PP téndelle a man a Raxoi para facer da Alba de Compostela "o acto que merece a cidade"... pero non o 25 de xullo
Defenden a "singularidade" da festividade do a Apóstolo e da Ofrenda, algo que "vai máis alá de perfís ideolóxicos"
Piden unha reunión extraordinaria da Comisión de honras para decidir "en consenso" para deseñar o evento civil deste ano
O concelleiro do Partido Popular José Antonio Constenla compareceu este luns en rolda de prensa para amosarlle á alcaldesa Goretti Sanmartín que a súa formación "ten a man tendida" para organizar conxuntamente a Alba de Compostela deste ano, "para que sexa o acto de cidade" que a veciñanza de Santiago merece.
O edil, que lembrou que o PP foi "duro en xullo pasado", con esta iniciativa programada paral o día da Ofrenda ao Apóstolo e á que rexeitaron asistir os membros da oposición municipal (PP e PSOE), solicitou que a rexedora convoque de modo extraordinario a Comisión de honras.
Trátase de que "xuntos" se deseñe este acto, se busque unha data independente do día do Apóstolo, se escollan as persoas homenaxeadas e se decida un lugar de celebración ao que poidan asistir o maior número posible de veciños.
Dende a bancada 'popular' deféndese a singularidade da Ofrenda ao Apóstolo, pola presencia dos Reis de España, entre outros motivos, e aseguran que o número de actos que se desenvolven arredor da mesma -coma o xantar institucional promovido dende o Arcebispado- e que dan lugar a unha ampla programación de eventos o 25 de xullo "aconsellan que non se programen outros actos na mesma data".
Por todo isto, Constenla insta a Sanmartín a que "abandone o empeño ideolóxico" con este evento.
- Lavacolla se prepara para recibir a los viajeros de los vuelos desviados por el cierre de Peinador
- La USC nombra dos nuevos doctores "honoris causa
- Así es el impresionante palacete que recuerda a Downton Abbey: a la venta en Santiago de Compostela
- Crónica social compostelana | La familia De la Iglesia se reúne en honor a sus padres
- Joyas de Compostela: el arte de la orfebrería santiaguesa que los ourives han sabido preservar
- Atropello en Santiago: herido un peatón en la Rúa de Frei Rosendo Salvado
- Un recurso complica la contratación de las obras para terminar de rehabilitar el Palacete do Espiño
- Principio de acuerdo entre la Xunta y Raxoi para el nuevo aparcamiento en el Hospital Clínico