Unhas 6.000 familias compostelás xa fan compostaxe na casa ou nos colectores marróns
Charlas e debate sobre reciclaxe de residuos orgánicos o día 25 de maio no edificio Cersia en San Lázaro
![Máis de 1.500 familias santiaguesas fan xa compostaxe nas súas casas](https://estaticos-cdn.prensaiberica.es/clip/7f6f2610-afe1-40b6-b5d3-e06da3d0f529_16-9-discover-aspect-ratio_default_0.jpg)
Máis de 1.500 familias santiaguesas fan xa compostaxe nas súas casas / CONCELLO
O Concello de Santiago conta a día de hoxe con máis de 1.500 familias que fan compostaxe, “ben nunha parcela, ben nunha horta pequena” na que se recicla directamente toda a fracción de materia orgánica “que se xera na vivenda e que pode estar arredor do medio quilo por habitante e día”. Así o explicaba o concelleiro de Sustentabilidade ambiental, Xesús Domínguez, na presentación da Xornada de Compostaxe que se vai desenvolver o 25 de maio no edificio Cersia (na rúa Alcalde Raimundo López Pol, en San Lázaro).
O edil de Sustentabilidade indicaba tamén que o Concello conta con 10 illas de compostaxe comunitario “que se van ampliar en breve” e “máis de 4.500 persoas que, a través do programa ‘Ti tes a chave’ e nos colectores marróns tamén están separando a fracción de orgánico”. Domínguez indicou en rolda de prensa que estes datos dan a cifra de “arredor de 400 toneladas que xestionamos de materia orgánica nos composteiros individuais, e doutras tantas nos contedores”.
Neste sentido o concelleiro asegurou que o Goberno local mantén a súa aposta “por promover políticas de responsabilidade ambiental, favorecer a sostibilidade, a protección da natureza... e este tratamento da materia orgánica que se composta directamente na vivenda ou na contorna, esta reciclaxe de proximidade, é unha das maneiras máis importantes de conseguir eses obxectivos”, afirmou.
Programa de charla e debate
Baixo o lema ‘A compostaxe só ten vantaxes’ vaise desenvolver esta xornada, que iniciará ás 10.30 horas Adega cun relatorio sobre a maneira de compostar na casa. “Dirixímonos a todas esas persoas que teñen sensibilidade polo medio, por mellorar a xestión de residuos e a protección ambiental e tamén a aquelas que queiran incorporarse a este modelo de xestión, coñecer como funciona, solicitar un composteiro ou unha chave para o quinto colector”, explicaba o edil.
Ás 11 tratarase a xestión da materia orgánica en Compostela e ás 13 horas será a quenda da granxa Millo e Landras (de Vilasantar) que presentará o seu proxecto de agrocompostaxe. Unha iniciativa que ecolóxica que traballa a recollida de materia orgánica en proximidade, sobre todo en supermercados, e xestionan esa francción de residuos na propia granxa. “De xeito están a facer xestión circular compostando residuos e utilizándoos na mesma granxa”, indicou Domínguez, que avanzou que se promoverán campañas para que algunha granxa compostelá poida sumarse á agrocompostaxe.
A xornada finalizará cun debate, a partir das 13.40 horas, pero durante todo o día, e na procura de facilitar a conciliación familiar, tamén se levarán a cabo no mesmo edificio obradoiros prácticos e didácticos para os máis cativos da casa.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local