NOMEAMENTO
O antropólogo e arqueólogo Lois Ladra, novo director do Museo do Pobo Galego
A asemblea do padroado deu o seu visto bo á proposta da comisión encargada de seleccionar o sucesor de Manuel Vilar, quen está a punto de xubilarse
El Correo Gallego
Lois Ladra, antropólogo e arqueólogo nacido na Coruña en 1972, tomará as rendas do Museo do Pobo Galego nos próximos meses. Esta decisión foi aprobada pola asemblea do padroado do museo, que se reuniu este sábado e deu o visto bo á proposta presentada pola comisión encargada de seleccionar o mellor candidato para o posto.
Ladra substitúe a Manuel Vilar, o actual director, que está a piques de xubilarse. Durante as próximas semanas, iniciarase un proceso de traspaso de poderes mediante que, con case toda seguridade, será a través dun contrato ponte que permitirá a Vilar e Ladra intercambiar a información necesaria para asegurar unha transición fluída. Así o explicou Concha Losada, presidenta do Museo do Pobo Galego, ao rematar a asemblea do padroado.
Lois Ladra estudou Xeografía e Historia na Universidade de Santiago de Compostela (USC), especializándose en Prehistoria e Etnoloxía na Universidad Complutense de Madrid. Ademais, ten unha licenciatura en Antropoloxía Social e Cultural pola UNED. No ano 2000, obtivo unha bolsa da Fundación Barrié para realizar un mestrado en Arqueoloxía na Universidade do Porto, en Portugal. Ampliou a súa formación académica licenciándose en Antropoloxía Social, ademais de obter o Diploma de Estudos Avanzados e a Suficiencia Investigadora, e realizou cursos de doutoramento na USC.
Ladra é autor de varios libros publicados en galego, castelán e portugués. Tamén ten artigos en publicacións periódicas galegas, españolas e portuguesas, así como capítulos de libros, comunicacións en congresos, colaboracións xornalísticas e conferencias.
- Antonio Catalán, fundador de AC Hotels by Marriott: 'La auténtica pandemia que tenemos ahora es la del piso turístico
- Así es el impresionante ático dúplex en venta en Santiago de Compostela, con espectaculares terrazas y el piso más barato del casco histórico
- “Nunca he estado en una ciudad como Santiago, por eso creo que estoy muerto y me lo he inventado todo”
- Limpieza de alcantarillas en Santiago para prevenir inundaciones ante la posible llegada de una DANA
- Atardecer no Gaiás 2024: estos son los conciertos para gozar de las puestas de sol del verano en Compostela
- Dos jóvenes resultan heridas en sendos atropellos en Santiago
- ¿Ganas de un pulpo á feira? Dónde comer este delicioso manjar en Santiago
- La comarca del Sar llora a Lidia Angueira, mujer coraje y fundadora de Pulpería Rial