Santiago
+15° C
Actualizado
martes, 29 septiembre 2020
21:45
h

Alvarellos firma hoxe ‘A nena que abrazaba as árbores’

feira do libro. Na Feira do Libro que celébrase estes días na Alameda de Santiago, o editor e escritor Henrique Alvarellos e a ilustradora Xulia Nieto asinarán hoxe, ás 20.00 horas, o álbum ilustrado A nena que abrazaba as árbores”, un novo conto para primeiras lecturas publicado polo selo Verdemar de Alvarellos Editora. Na obra se convida ao lector a darse un baño de bosque a través da protagonista, Lucía, e do seu amigo Álex quen, aínda que non pode ver, sente cada son e cada recanto da natureza. Alvarellos asegura que “descubrir un bosque, pero tamén un parque ou un xardín, a través das súas árbores, é unha das

actividades máis enriquecedoras para calquera idade”. Así, este álbum ilustrado convida a entrar nesa atmosfera natural e ir coñecendo e valorando a natureza única que temos tan preto das nosas casas e que pasa moitas veces diante de nós sen darnos de conta.

Este é o primeiro conto de Henrique Alvarellos, que é autor de varios libros: Territorio auroral, Teoría de

Lugo, Galicia en cen prodixios, Diario dun pai acabado

de nacer, Balada ceibe no bosque de Conxo ou Federico

García Lorca en Santiago de Compostela -no prelo-). O libro está inspirado en dous espazos naturais: nun bosque da súa infancia, a carballeira de Fingoi (Lugo), e no Bosque do Banquete de Conxo (Compostela) cuxa apertura el impulsou en 2018. Pola súa banda, Xulia Nieto Pereira, ilustradora, deseñadora e creativa, formouse na Escuela de Diseño de Granada e este é un dos seus primeiros traballos publicados. En 2018 ilustrou o premiado poemario de Emma Pedreira Antídoto (Alvarellos Editora). Redacción

17 jun 2020 / 21:49
Noticia marcada para leer más tarde en Tu Correo Gallego
Tema marcado como favorito