Comidas típicas de diferentes países no marco do festival intercultural Compostela Convive

Santiago. O alcalde, Xosé Sánchez Bugallo, visitou onte o festival intercultural Compostela Convive, que se celebrou na Alameda, acompañado da concelleira de Políticas Sociais, Mila Castro; e do presidente da Plataforma polo Emprego, Miguel Fernández; entidade organizadora do evento. No festival, ao que asistiron un gran número de persoas, puidéronse probar de balde comidas típicas de Paraguai, México, Colombia, Venezuela, Ecuador e República Dominicana; nun evento acompañado de música e no que se cumpriron as máis estritas medidas de seguridade. Segundo destacou o alcalde, “é unha oportunidade extraordinaria” para fomentar a convivencia“. ECG