Un filme sobre diversidade funcional proxectarase mañá na Sala Numax

CINE. Tivemos un pasado, temos presente e queremos futuro é o título dunha curtametraxe-documental sobre a diversidade funcional que mañá presentará na Sala Numax a Asociación para a Formación e Emprego de Persoas con Discapacidade Funcional (Afexdi), entidade sen ánimo de lucro que busca visibilizar e contribuír á inclusión das persoas con diversidade funcional.

“Creamos unha curtametraxe-documental desde o propio Centro Ocupacional”, explican dende a Asocación, para desenvolver “unha triple finalidade: dar a coñecer a historia de Afexdi, reflexionar sobre o que significa ser unha persoa con discapacidade intelectual nesta sociedade e reivindicar a importancia deste tipo de recursos na vida de estas persoas”. ECG