A descuberta da calma en familia en ‘Corre, corre!’

Xa fA editorial Picarona, selo infantil da barcelonesa Ediciones Obelisco, achégase nun dos seus álbums máis recentes á realidade diaria de moitas familias ás primeiras horas da mañá. Corre, corre!, da autoría de Magdalena, ilustracións de Isabelle Maroger e tradución de Zaida Quinteiro, presenta as présas que moitas nais, pero tamén pais, lle imbúen aos máis pequenos e pequenas da casa, uns apresuramentos que a nenez non comparte.

Despois de varios “Corre, corre!”, por parte da nai protagonista, coas correspondentes ordes a esta frase asociadas (érguete!, almorza!, lava a cara etc.), e logo de máis de un “agarda, mamá”, acompañados da razón do innecesario apuro, por parte do pequeno, a adulta protagonista deste álbum, publicado orixinalmente como Vite, vite! (Éditions Flammarion, 2018), descubrirá, despois dun bo susto, que o esencial non pode esvaecerse polo fluír da vida. A calma tamén é precisa.

marta.neira@usc.es