Ainhoa Trillo gaña o Concurso Coca-Cola Novos Talentos Premio de Relato Curto

LETRAS Ainhoa Trillo Atán, do CPR Manuela Rial Mouzo de Cee, foi protagonista onte no acto no Colexio dos PP. Escolapios de Monforte de Lemos xa que gañou a 11.ª edición do Concurso Novos Talentos Premio de Relato Curto de Coca Cola. Outros finalistas provinciais foron: Adrián Barcia Mosquera, do Ricardo Carballo Calero de Ferrol; Natalia González Filgueira, do Virxe do Mar de Noia; Carla Rivera González, do Vilar Ponte de Viveiro; Paula Dios do Campo, do Eduardo Blanco Amor de Ourense; Rodrigo Vázquez Barros, do CPR Sagrado Corazón de Pontevedra; e Marina Collazo Couñago, do Pedro Floriani de Redondela. Os participantes que obtiveron o primeiro premio recibiron unha cámara; o segundo un patinete eléctrico, e o terceiro, unhas lentes de realidade virtual. Ademais, todos recibiron unha mochila, un diploma e unha medalla. Nesta festa das letras acto estiveron presentes Valentín García Gómez, secretario xeral de Política Lingüística, e tamén representantes das universidades galegas xuntos para fomentar a escritura creativa entre os alumnos galegos da ESO.