El Correo Gallego

Noticia 121 de 393 noticia anterior de Hoy es noticia Vídeos » Hoy es noticia

Adentrámonos no Pazo de Raxoi, moito máis que un Concello

O edificio foi un dos incluídos nas visitas guiadas da Semana do Patrimonio Invisible // A iniciativa tivo como obxectivo abrir as portas de inmobles aos que normalmente non accede o público

SILVIA CASTIÑEIRAS. CORREOTV  | 19.09.2018 
A- A+

Abrir as portas ao público de espazos de gran valor patrimonial aos que normalmente non teñen acceso os cidadáns. Con esa idea se estivo a desenvolver en Santiago un programa de visitas guiadas enmarcado na Semana do Patrimonio Invisible. Os itinerarios incluíron enclaves como o cemiterio de Boisaca, o psiquiátrico de Conxo, o pazo de Ramirás, o Hostal dos Reis Católicos, o pazo se San Lourenzo, San Agostiño ou un percorrido polo Pazo de Raxoi.

O edificio que alberga o Concello é un gran coñecido por fóra, non é para menos porque pecha a praza máis emblemática da cidade, a do Obradoiro, mirando de fronte á Catedral. Pero e por dentro?, por dentro é o gran descoñecido para os cidadáns e é realmente unha pena… porque o inmoble conta con salóns, lámpadas, cadros… dignos de ser observados. E iso foi o que puideron desfrutar as persoas que se apuntaron a esta visita, unha experiencia cultural única que incluíu as pertinentes anécdotas e explicacións sobre a historia de cada recuncho, ou o descubrimento, por exemplo, da terraza con vistas ás Hortas ou ao patio do antigo cárcere.