Vimianzo e Carballo serán sedes das residencias artísticas Paraíso
A plataforma Vendaval Costa da Morte denuncia “prácticas abusivas” nos contratos que se están ofrecendo aos propietarios dos terreos nos que se proxecta construír o Parque Eólico Monte da Croa, en Vimianzo. E para informar ao respecto, o colectivo organizou, da man do Observatorio Eólico de Galicia, unha charla divulgativa na que participaron unhas trinta persoas afectadas.
O catedrático de Economía Xavier Simón, da Universidade de Vigo, explicou que o proxecto aínda non conta coa declaración de utilidade pública que permitiría iniciar procedementos de expropiación, polo que recomendou analizar as ofertas “con calma e non deixarse enganar”, subiñan dende a referida plataforma.
Tamén se informou aos asistentes sobre os prezos de alugueiro de terreos para este tipo de infraestruturas, e entregáronlles modelos de contrato tipo “con cláusulas xustas para ambas parte”. Sinalan que a mellor estratexia negociadora para os propiestarios é manter unha postura común, ao tempo que subliñaron que o apoio municipal resulta fundamental.
Dende a plataforma Vendaval Costa da Morte advirten ademais que a instalación do polígono eólico “afectará aos usos do territorio para sempre”.
O colectivo Residencias Paraíso seleccionou Vimianzo e Carballo como sedes do seu programa anual de residencias artísticas para a danza e as artes vivas.
A casa da cultura de Vimianzo estréase este ano como novo espazo colaborador. Alí, Sergio Marey levará a cabo unha residencia de creación para o seu proxecto Todo o mundo é contra min-eh, para a construción dunha peza performativa a partir do seu propio ensaio de investigación sobre o colectivo LGBTIQA+ na música tradicional galega, que foi publicado en 2023.
Sergio Marey propón unha reflexión sobre a importancia de mirar ao folclore galego desde unha perspectiva queer, reivindicando a nosa cultura popular como un espazo de liberdade.
Pola súa banda, o investigador cubano afincado en Madrid José Ramón Hernández / Osikán-vivero de creación mergullarase no proceso de creación titulado Eyilá ashé archivo vivo de resistencia no Pazo da Cultura de Carballo. Trátase dun proxecto de creación escénica que explora a espiritualidade como potencia política para a transformación social. Inspírase nos saberes subalternos das persoas afro, trans, racializadas e migrantes do sur global e os feminismo negros que se están producindo en España.
As residencias desenvolveranse entre abril e outubro de 2024.
- El Correo Gallego - Diario de la capital de Galicia
- Estos son los dos pueblos más felices de Galicia: los únicos en el top35 de España
- ¿Por qué es tradicional colocar "ramas de xesta" en las puertas de las casas durante el mes de mayo en Galicia?
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Acciona se asocia con Nissan para la distribución en Europa de su nuevo nanocar Silence S04
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela