Corte dun carril na autovía Santiago-Brión por asfaltado dende o martes
Chegará tamén á vía de altas prestacións Pardiñas-As Galanas // Custará 5,9 millóns e alongarase catro meses
A Xunta advirte de que a execución das obras de renovación do firme na autovía Santiago-Brión (AG-56) e na vía de altas prestacións Pardiñas-As Galanas fará necesario o corte dun carril a partir do vindeiro martes, cando se prevé que se inicien os traballos. A intervención de mellora do firme suporá un investimento de case 5,9 millóns, asumido dentro do contrato de concesión da autovía. As obras serán executadas pola UTE Firmes AG-56, formada polas empresas Francisco Gómez y Cía, S.L. e Extraco; Construccións e Proxectos, S.A.
Para acometer estas actuacións, cuxo prazo de execución é de 4 meses, será preciso o corte puntual de tráfico nun carril da AG-56, desviando o tráfico nese sentido polo carril que permaneza operativo. O corte puntual nun dos dous carrís realizarase alternando o tráfico de ambos os sentidos polo carril que estea activo. Todas estas afeccións ao tráfico estarán debidamente sinalizadas mediante sinalización vertical e nos correspondentes paneis de sinalización variable.
As obras consistirán no acondicionamento do firme de puntos ou zonas singulares onde exista un deterioro acentuado, mediante o fresado de 5 cm de capa de rodaxe e a reposición de 5 cm con mestura intermedia. E tamén se selarán as fisuras transversais e estenderase unha nova capa de rodaxe no tronco, ramais e enlaces. Estas actuacións complementaranse coa posterior reposición da sinalización horizontal e vertical.
- “A nivel salarial non está en absoluto recoñecido o labor que fan os alcaldes”
- Ames executa obras por valor de 2,76 millóns en Bertamiráns, Milladoiro e núcleos rurais
- O PP de Teo aproba delegar na Xunta o reforzo policial, pero rexeita a moción contra Altri no Ulla
- Ordes enxalza os champiñóns e A Estrada acolle as actividades do Día da Xuventude
- Maio Vintage: Boiro revive os anos oitenta cun mercado retro
- El 'hotel rosa' de Vedra, entre los diez mejores alojamientos de España para la Guía Michelín
- Boiro celebra o Día da Danza cun espectáculo protagonizado por cincuenta bailarinas de ballet
- Incautan 244 quilogramos de peixe que excedían o cupo diario dunha embarcación de Porto do Son