Ferido o condutor dun turismo que se saíu da vía en Cabana de Bergantiños

O condutor dun turismo que se saíu da estrada en Cabana de Bergantiños resultou ferido a consecuencia do impacto do vehículo contra un poste do alumeado público, que tronzou e quedou atravesado na vía obstaculizando a circulación. O accidente tivo lugar pouco despois da 1.30 horas no quilómetro 4 da AC-429, á altura da Telleira, en Canduas.

Un particular foi quen alertou ao 112 Galicia, que mobilizou a un equipo de Urxencias Sanitarias do 061, que trasladou ao condutor, cunha ferida na cabeza, ao centro de saúde de garda. Tamén se desprazaron ata o lugar membros da Garda Civil de Tráfico e do GES de Ponteceso, que se encargaron la limpeza da vía e de sinalizar e apartar o poste para restablecer a circulación.