Corcubión recorrerá a fondos europeos co fin de executar a reforma integral da praza de Castelao
O proxecto foi elaborado polo estudo de arquitectura Creus e Carrasco
O Concello de Corcubión formalizou esta semana ante o Ministerio de Industria, Comercio e Turismo a solicitude de fondos europeos para poder acometer unha reforma integral da céntrica praza de Castelao, ao abeiro do Programa de mellora da competitividade e de dinamización do patrimonio histórico con uso turístico.
O proxecto foi elaborado polo estudo de arquitectura Creus e Carrasco, e contempla a creación de novas zonas verdes e a humanización do centro do casco histórico da capital corcubionesa, declarado como Ben de Interese Cultural (BIC).
Segundo informan dende o goberno municipal, as actuacións contempladas requerirán dun investimento de 1,7 millóns de euros. O proxecto prevé actuar sobre unha superficie de 14.392 metros cadrados. Aínda que as melloras previstas centraranse na praza de Castelao, a iniciativa contempla tamén actuacións que se estenderán ata o Cárcere Vello, ubicado na zona portuaria, e na praza José Carrera, onde está a casa consistorial.
Temas
Más en Área
-
Varapalo a los vecinos: un oficio obliga a considerar el uso del vertedero valdubrés de Niveiro
-
Entierran a Xosé Figueira en Dodro tras descartar que sufriera un ataque en Augasantas
-
Exdocentes del IES Cela de Padrón recordaron los 50 años del centro
-
Vedra espera repartir un millar de composteros entre sus 5.000 vecinos en el plazo de dos años