Tanxugueiras, Grande Amore e Baiuca, no festival de balde máis grande do país
Descubre a programación completa da nova edición do Festival das Carrilanas de Esteiro
O festival terá lugar no municipio de Esteiro, en Muros, entre este venres 14 e o domingo 16
Chega unha nova edición do festival de balde máis grande do país: o Festival das Carrilanas de Esteiro.
Grande Amore, Baiuca, Tanxugueiras, Boyanka Kostova e Fillas de Cassandra son só algúns dos artistas que farán bailar a todos os presentes entre este venres 14 e o domingo 16 de xullo na parroquia de Esteiro, en Muros.
O evento musical, organizado pola A.D.C. Esteirana de Carrilanas, ten por obxectivo dar a coñecer gratuitamente á mellor música de Galicia. E vaia se o conseguen!
Programación Carrilanas de Esteiro 2023
O Festival das Carrilanas2023 contará cun recinto con capacidade para máis de 6.000 persoas. A entrada é gratuita pero, recorda, terá aforo limitado!
Haberá dous escenarios, o Vibra Mahou e o Vegalsa-Eroski e tres zonas habilitadas para acampar, polo que non dubides en facelo durante todo o evento.
Con respecto aos horarios, os concertos nocturnos do Vibra Mahou comezarán ás 22:00 horas, mentres que os da sesión vermú do Vegalsa-Eroski a partir das 13:30 horas. Esta é a programación completa:
Venres 14 de xullo
Fillas de Cassandra, Baiuca, Grande Amore e Familia Caamagno serán os encargados de facer bailar a todos os presentes na xornada deste venres.
Os concertos serán no escenario Vibra Mahou.
Sábado 15 de Xullo
No escenario Vibra Mahou estarán LaMontagne & PicoAmperio, Tanxugueiras, Monoulious DOP, Boyanka Kostova e Cool Nenas.
Pola súa banda, Pablo Balseiro estará no escenario Vegalsa-Eroski.
Domingo 16 de xullo
Quinkillada poñerá o broche de ouro ao festival na xornada deste domingo, no escenario Vegalsa-Eroski.
Para calquera dúbida, podes consultar toda a información no seguinte enlace.
Temas
Más en Área
-
Emilio Rúa trae a súa música ao albergue Bela Muxía
-
Evacuado un hombre tras quedársele atrapada una pierna en las cuchillas de un motocultor en Rianxo
-
Rotulan un bus para dar a conocer por Lugo la enfermedad rara de Dent que sufre el joven Hugo de Brión y el lucense Enzo
-
Ordes, Valga y Padrón: principales beneficiarios en la comarca del fin de la bonificación del IBI para la autopista AP-9