Prohiben aparcar en dúas rúas do Milladoiro pola rodaxe da serie ‘El caso Asunta’

O executivo amiense informou que dende as 08.00 horas deste xoves 20 e ata as 01.30 horas deste venres está prohibido estacionar na marxe dereita da rúa Xaquín Lorenzo (en dirección á rúa do Francés) e nun tramo da marxe esquerda da rúa do Francés, ambas vías situadas na localidade do Milladoiro. As zonas nas que está prohibido estacionar están sinalizadas. A circulación de vehículos por ditas rúas amienses está permitida.

Netflix anuncia una miniserie sobre el caso Asunta con Candela Peña como Rosario Porto

Ditas prohibicións de estacionamento nas rúas Xaquín Lorenzo e do Francés están motivadas pola rodaxe que se vai facer nas mesmas da serie El caso Asunta que están levando a cabo actualmente en Galicia Netflix e Bambú Producións, con Candela Peña e Tristán Ulloa encarnando a Rosario Porto e Alfonso Basterra, os pais de Asunta, que a asasinaron en 2013 segundo determinou a Xustiza, asfixiándoa por sufocación.