O Pino rende culto ao galo piñeiro na súa Festa e Mostra Cabalar de Interese Turístico
A XXII Feira de Galos e Galiñas desta raza do Pino inclúe tamén obradoiros, actividades infantís, degustación de galo, un xantar popular e moita música
Redacción
Como cada primeira fin de semana de agosto, o Concello do Pino celebra este sábado 5 e o domingo 6 a Festa do Galo Piñeiro e Mostra Cabalar, unha cita declarada Festa de Interese Turístico de Galicia que alcanza a súa vixésimo segunda edición. Xunto aos tradicionais certames de galo piñeiro e de cabalos, a feira inclúe obradoiros, actividades infantís, degustación de galo, o tradicional xantar popular e moita música. Ademais, este ano tamén se levará a cabo a feira Artesanía no Camiño co obxectivo de amosar o labor de todas as persoas que traballan en prol da conservación das tradicións e da cultura da contorna.
A Festa do Galo Piñeiro e Mostra Cabalar abre o sábado coa actuación Unha noite de foliada, cos Druidas e a Banda de Música de Arca ás 20.00 horas na Praza de Forcarei. Ás 22.30 horas, a praza consistorial acollerá o espectáculo Suaren Bataila, da compañía Hípica Celta, que mestura técnicas de lume, interpretación, danza e acrobacias.
Xa o domingo abren a Mostra Cabalar (ás 09.00 horas) e a XXII Feira de Galos e Galiñas de Raza Piñeira (ás 10.00 horas). A partir das 11.00 sucederanse as propostas para a veciñanza e os visitantes coa actuación da charanga NBA e a apertura da feira Artesanía no Camiño, que inclúe talleres demostrativos de bolillos, bordado ao aire, coiro, actividades participativas para toda a familia, xogos e animación de rúa a cargo de Fantoches Baj (13.00 horas), O Mago Teto (pases ás 17.00 e ás 19.00) e o grupo teatral Ó Cubo (18.00 horas).
Ao tempo que comeza a sesión vermú con José Manuel (Os Trovadores) de Eme Music, chega a degustación gratuíta de galo piñeiro (13.00 horas) e o pregón, que este ano correrá a cargo da deputada autonómica e secretaria xeral do PPdeG Paula Prado del Río.
A entrega de premios aos gañadores dos diferentes apartados dos mellores exemplares de galos e galiñas servirá así mesmo para dar paso ao xantar popular (ás 15.00 horas) baixo a carpa situada na Praza de Forcarei.
Xa pola tarde, ás 17.30 horas reabre a Mostra Cabalar e entrégase o premio especial Faísca ao mellor Pura Raza Española nado e criado en Galicia. As probas de doma vaquera e de arrastre serán outros dos grandes atractivos deste domingo no Pino a partir das 19.00 horas, xunto á concesión de galardóns aos gañadores da Mostra Cabalar deste ano.
A festa conclúe a partir das 21.30 horas co espectáculo ecuestre nocturno con luz e son a cargo de Paco Martos, titulado Horse Show.
Como é tradición xa, a XXII Feira de Galos e Galiñas de Raza Piñeira do Pino reparte premios para os tres mellores galos, as tres mellores galiñas, os dous mellores galos de curral e o mellor animal da exposición.
- El Correo Gallego - Diario de la capital de Galicia
- Un rincón propio de Asia que se esconde en Galicia: tiene un puente colgante y está a menos de una hora de Santiago
- La cifra de alumnos y personal del colegio de Ventín con cuadro de diarrea roza los 60 y la Xunta tomó ya muestras de la comida
- Una empresa de Noia transporta un rinoceronte indio desde Polonia hasta Córdoba
- Una estadounidense conduciendo por A Illa de Arousa se queja de algo muy común en toda Galicia: '¿Cómo lo hacen?
- Asesinato en el San Serapio de Conxo: un ajuste de cuentas por la venta de droga adulterada terminó con una trágica muerte
- Estrella Galicia lanza la canción del verano: así suena el tema compuesto por un popular artista compostelano
- Casi un año esperando licencia en Santiago para instalar un ascensor y aislar la fachada: “É unha vergoña”