Louban a afluencia á feira estradense do motor e antigüidades con gran demanda de pezas
Concentráronse máis de medio cento de vehículos clásicos e antigos
Continuará aberta este domingo, de 11.00 a 20.00 horas
A primeira xornada da Motor Classic 2023 e a Feira de Antigüidades e Artesanía convocou na capital de Tabeirós-Terra de Montes a un bo volume de xente, segundo a organización, sobre todo nas horas centrais desta xornada de sábado. Neste foro organizado pola Fundación de Exposición e Congresos da Estrada o mais salientable está a ser a diferenciación en diversas áreas da exposición (onde están a amosar vehículos, pero tamén con mercado de pezas, recambios e accesorios, antigüidades e artesanía), ao tempo que suliñan a profesionalidade das firmas participantes, sen olvidar a colaboración activa de clubes, asociacións e particulares.
Así, na zona habilitada para mostra de vehículos clásicos, ubicáronse máis de medio cento de máquinas (entre turismos, tractores e motocicletas), e a Escudería Estradense amosa nela (o feiral seguirá este domingo) un catálogo de vehículos de alta competición. Deste xeito, a media mañá o aparcadoiro de clásicos estaba repleto de vehículos, o que incrementou a mostra interior, todos con certificación de históricos ou clásicos de incalculable valor e con automóbiles dos anos 50 en adiante, pero incluso algúns anteriores, dos anos 30.
A meirande parte das firmas expositoras de venda directa, así como vinte e cinco clubes, asociacións, empresas e particulares presentes na mostra, colaboran ca organización e son incondicionais do certame, participando tamén nas anteriores edicións. No referente á venda directa, pódese destacar que a presente edición está a ser respaldada por firmas maioritariamente procedentes de Galicia, complementadas coas chegadas de fóra da terra dos mil ríos, como Madrid, Asturias ou Portugal, entre outras. E o mercado de recambios, pezas, accesorios e complementos do motor, ubicado no pavillón cinco, foi o que concentrou maioritariamente a atención dos visitantes.
Todo isto sen obviar a xa consolidadada Feira de Antigüidades e Artesanía que conta cun público moi fiel. Lembrar, ademais, que a entrada para acceder ao recinto é válida para os dous días que dura o feiral. Permanecerá aberto ao público en horario ininterrumpido de 11.00 a 20.00 horas.
- El Correo Gallego - Diario de la capital de Galicia
- Ocio nocturno en Compostela: un viaje nostálgico a la era dorada de los 80 y 90
- Así es el original mirador de Santiago que permite sacar la fotografía más buscada de la Catedral
- El creador de ‘El caso Asunta’ revela nuevos detalles de la ficción que narra el crimen más mediático de Santiago de Compostela
- Acciona se asocia con Nissan para la distribución en Europa de su nuevo nanocar Silence S04
- Así es el impresionante palacete que recuerda a Downton Abbey: a la venta en Santiago de Compostela
- Las ventas de coches cierran el primer cuatrimestre en Galicia con un aumento de casi el 16%, el doble que en España
- Detenido un joven en un piso de Santiago tras intervenirle cinco kilos de hachís y un centenar de pastillas