Brión reactiva a comisión municipal contra a balsa de Cornanda e apoiará á veciñanza
Foi acordada polo PP, PSOE e BNG segundo a proposta inicial dos nacionalistas
En caso de que Augas de Galicia aceptase o proxecto, colaboraríase nas alegacións
Os munícipes de Brión veñen de aprobar en pleno hai unhas horas a declaración institucional contra a construción da central hidráulica reversible do Tambre e en favor da loita veciñal e social contra este proxecto que tramita Augas de Galicia. Unha declaración pola que pretende “expresar unha vez máis, e de forma clara e contundente, o total rexeitamento por parte de todos os grupos políticos desta Corporación á construción da balsa na Cornanda segundo os proxectos actuais”, como recolle a declaración á que deu lectura o secretario municipal do Concello brionés.
Outros acordos tomados nesta declaracións institucional inclúen a reactivación da comisión de seguimento creada polo Concello de Brión e na que están representados tanto os grupos políticos municipais como a veciñanza de Cornanda; e apoiar o traballo dos veciños e veciñas, tanto a través da plataforma Non á balsa da Cornanda como calquera outra entidade que estea disposta a colaborar para evitar a construción desta balsa.
Finalmente, o pleno acordou tamén que se o pronunciamento oficial por parte de Augas de Galicia, que aínda se descoñece, fose contrario a estes intereses, o Concello axudaría a completar as alegacións que puideran ter relevancia coa achega de informes en colaboración con outras administracións. Unha declaración institucional acordada polos tres grupos municipais antes do inicio do pleno sobre unha base presentada polo BNG e enmendada polo PSOE e o PP, que foi lida diante de representantes da plataforma Non á balsa da Cornanda.
No resto da sesión, o pleno aprobou, cos votos a favor do grupo de goberno e as abstencións de PP e BNG, aceptar as alegacións de Viaqua á estrutura de custes do servizo de abastecemento de auga potable, que será sometido de novo a información pública.
- El Correo Gallego - Diario de la capital de Galicia
- Ocio nocturno en Compostela: un viaje nostálgico a la era dorada de los 80 y 90
- Devuelven unos 4.000 euros que escupió un cajero automático en Lalín tras ingresarlos un vecino
- Así fue el discurso viral de una gallega contra el turismo que cada año inunda Santiago de Compostela: "Somos un decorado en su Camino de Santiago
- “Sí, quiero”... pero con separación de bienes: ¿Por qué la mitad de los gallegos eligen ya esta opción?
- Así es el impresionante palacete que recuerda a Downton Abbey: a la venta en Santiago de Compostela
- Las ventas de coches cierran el primer cuatrimestre en Galicia con un aumento de casi el 16%, el doble que en España
- Así es el faro de Galicia que ha sido elegido como uno de los más impresionantes de Europa