Alumnado de centros de Santiago e área comprométense coa paz e a convivencia nas aulas

As comunidades educativas do IES de Milladoiro (Ames), o IES Xulián Magariños (Negreira) e o CEIP López Ferreiro (Santiago de Compostela) participan na celebración do Día Escolar da Paz e a Non Violencia promovida pola ONGD Asemblea de Cooperación pola Paz Galicia mediante a lectura e aceptación dos principios do manifesto “Escolas sen Racismo”, vertebrado ao redor dos Dereitos Humanos Universais, a democracia, a xustiza social, a paz, e o respecto á diversidade e o medio natural.

A proposta da Asemblea de Cooperación pola Paz Galicia complétase cunha batería de actividades didácticas que poñen a disposición do profesorado e que ao longo destas semanas desenvolverá co alumando.

Del acoso en redes a las nuevas tecnologías: el aumento de tentativas de suicidio entre los adolescentes gallegos

Empatía e respecto á diversidade cultural

Deste xeito, o profesorado comprométese a fomentar o coñecemento doutras realidades e as desigualdades a nivel global, a empatía intercultural e o respecto á diversidade cultural, así como contribuír á construción dunha cultura de paz baseada no respecto aos Dereitos Humanos.

Los científicos capturan al detalle la esencia de la diversidad humana

No IES Milladoiro a lectura do manifesto “Escolas sen Racismo” realizouse este luns coa participación de toda a comunidade educativa, mentres que no López Ferreiro o acto principal tivo este martes. O IES Xulián Magariños de Negreira, sumarase a esta conmemoración pola paz e da educación non violenta e pacificadora ao longo das vindeiras semanas, cando tamén se lle entregará a placa identificativa do proxecto “Escolas sen Racismo. Escolas para a Paz e o Desenvolvemento”, no que se enmarca esta celebración.

La UE ultima un plan de paz de 10 puntos para Oriente Próximo basado en los dos estados

Outros centros educativos de fóra da área de Compostela tamén se sumaron a esta conmemoración do Día Escolar da Paz e a Non Violencia. En concreto, foron o IES Antón Losada (A Estrada), o IES Chano Piñeiro (Forcarei) e o CEIP Figueiroa (A Estrada), sumando así máis de 1000 alumnos e alumnas que, desde infantil, primaria e secundaria, reclamaron e traballarán por unha convivencia en paz e non violenta.