Carballo estrea este venres unha escola de familias para unha educación en igualdade

Carballo estrea unha escola de familias pola educación en igualdade, unha iniciativa conxunta das concellarías de Normalización Lingüística e Igualdade coa que se pretende, por unha banda, ampliar a oferta de actividades para familias con nenos de cero a seis anos e, por outra, seguir traballando desde as idades máis temperás na creación dunha sociedade máis igualitaria.

Carballo e Ames reforzan o plan de socialización en galego dos nenos

Apego en igualdade é a denominación do programa, que veñen de presentar as concelleiras Ángeles Pacoret e Maica Ures e o alcalde, Evencio Ferrero. A idea xurdiu a raíz dos obradoiros sobre xoguete non sexista celebrados en decembro. “Sempre dicimos que a maneira de desbotar as desigualdades é a educación e a formación”, sinalou Ures.

A primeira actividade será este venres, día 16, e consistirá nun obradoiro de primeiros auxilios impartido por Protección Civil.