Gonzalo Louzao substituirá a José López na alcaldía da Estrada
O mandatario local foi designado novo conselleiro de Cultura
Lembran a capacidade de traballo deste edil, de 29 anos
![José López, esquerda, nunha conversa con Gonzalo Louzao na rúa estradense](https://estaticos-cdn.prensaiberica.es/clip/1efb632f-b5cb-490e-976a-f7eba03020b5_16-9-aspect-ratio_default_1296008.jpg)
José López, esquerda, nunha conversa con Gonzalo Louzao na rúa estradense / Bernabé-Javier Lalín
O comité executivo local do PP da Estrada deulle luz verde por unanimidade á proposta de que Gonzalo Louzao Dono, actual concelleiro de Urbanismo, Feiras e Medio Rural, sexa o candidato á alcaldía en substitución de José López Campos, que vén de tomar posesión como novo conselleiro de Cultura, Lingua e Xuventude da Xunta de Galicia. O máximo órgano interno do partido reuniuse na súa céntrica sede da Praza de Galicia, xusto despois do pleno extraordinario da Corporación no que se deu conta da renuncia de López á alcaldía, e refrendou co máximo e absoluto consenso de todos os seus membros a candidatura deste xove edil, de 29 anos de idade e que se incorporou ao goberno local tras as eleccións municipais de 2019.
“Coñezo ben aos meus compañeiros porque levo con eles moitos anos e calquera dos 13 concelleiros podería desempeñar con pleno acerto esta responsabilidade, pero creo que atinaron de cheo ao apostar pola valía, a capacidade de traballo, a cercanía, a dispoñibilidade máxima e o futuro de Gonzalo, que estou seguro que vai liderar o novo ciclo político que se abre agora con moitos éxitos tanto para A Estrada como para o Partido Popular”, manifestou o exrexedor e tamén presidente do PP local.
Xenerosidade
José López tamén quixo destacar a “xenerosidade de todos os que formamos o PP da Estrada e a visión estratéxica” de apostar por un concelleiro “que no seu momento representou unha importante renovación e achegou un sopro de aire fresco ao executivo e que, nestes cinco anos de bagaxe, demostrou unha enorme capacidade en todos os ámbitos e unha predisposición absoluta na atención aos veciños, que son o máis importante e aos que nos debemos en exclusiva”.
A intención do PP local pasa por manter nestas semanas o traballo habitual desde o Concello, “algo para o que non haberá ningún problema porque o seu funcionamento está perfectamente engraxado e todos os proxectos están lanzados grazas ao traballo que sempre fixemos en equipo” e celebrar posteriormente o pleno de elección e investidura de novo alcalde tras a chegada das credenciais e toma de posesión da nova concelleira, a número 14 da candidatura, Jessica Rodríguez.
![Reunión do comité executivo do PP da Estrada. con Louzao á esquerda e López á dereita](https://estaticos-cdn.prensaiberica.es/clip/e5b6d6de-61cc-4793-8240-a5dbb5b770ee_alta-libre-aspect-ratio_default_0.jpg)
Reunión do comité executivo do PP da Estrada. con Louzao á esquerda e López á dereita / PP
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local