Melide e Padrón rexeitan unha planta de Greenfiber que afecta aos seus recursos

O Concello de Melide solicita á Xunta unha declaración negativa de impacto ambiental para o proxecto de Greenfiber e revisar a categoría de proxecto estratéxico. E dende o goberno de Padrón, tamén amosan o seu rexeitamento á implantación desta macrocelulosa en Palas de Rei, presentando alegacións “en defensa da calidade da auga potable” do municipio a un proxecto que “prexudicaría gravemente o interese xeral” da veciñanza e que deriva en consecuencias “desastrosas” para o segundo curso fluvial en importancia de Galicia (ao fío, o BNG da capital do Sar lembra que foi grazas á súa moción).

Organizaciones agrarias gallegas se posicionan contra la fábrica de Altri en Palas de Rei

No caso do executivo melidense, din que foron preto de 700 as alegacións presentadas por rexistro ata o 17 de abril, e nunha misiva enviada á Consellería de Industria, o alcalde, José Manuel Pérez, expón as alegacións municipais nos ámbitos do proxecto industrial estratéxico, da afección territorial e urbanística, dende o punto de vista patrimonial e ambiental, así como para as infraestruturas asociadas e sobre o impacto na economía local.