O XX Certame Literario amesán recompila os textos nunha obra

A casa da cultura de Bertamiráns, en Ames, acolleu o acto de presentación do libro cos 18 textos premiados XX Certame Literario de Ames. Nazaret López, xornalista e escritora, foi a encargada de dar pé ao evento e de ir dando paso aos gañadores do certame literario de 2023 (houbo galardoados de Negreira ou Touro, pero tamén de Sada ou Cangas) que leron fragmentos das súas propias creacións.

Duascentas imaxes retratarán nun volume o corazón amesán da Maía

O alcalde e concelleiro de Normalización Lingüística, Blas García; a concelleira de Planificación e Xestión Educativa e Mocidade, Carmen Porto; a concelleira e voceira do Partido Popular, Oliva Agra; e a concelleira e voceira do BNG, Escarlata Pampín, tamén leron textos dalgúns autores e autoras que non puideron acudir ao acto. Durante o acto, interviu García, que anunciou que dende o departamento de Normalización Lingüística estase traballando na elaboración de dous libros, un de narrativa e outro de poesía, que recollan todos os textos premiados –a edición 2024 admite textos ata o 24 de abril– nas vinte edicións”.