DE BRAGA A MUXÍA
Vimianzo pon en valor as etapas da Vía Mariana
Dous paneis divulgativos achegan aos peregrinos o patrimonio que atopan en Baíñas e Berdoias
![Cartel informativo ubicado na igrexa de Berdoias](https://estaticos-cdn.prensaiberica.es/clip/7584aedf-e2a7-4764-bbe0-a85927684d01_source-aspect-ratio_default_0.jpg)
Cartel informativo ubicado na igrexa de Berdoias / C. Vimianzo
J. M. Ramos
O Concello de Vimianzo, en colaboración coa Asociación Baíñas no Camiño e a Asociación Parroquial de Berdoias, instalou dous carteis informativos e divulgativos das etapas da Vía Mariana que discorren polo termo municipal. O primeiro está localizado ao carón da igrexa de Baíñas, e recolle o itinerario a seguir na 16ª etapa deste camiño, a primeira das dúas que pasan por Vimianzo.
Ademais, fai unha recompilación dos principais elementos patrimoniais que os camiñantes poden atopar no percorrido.
![Panel informativo da Vía Mariana na igrexa de Baíñas](https://estaticos-cdn.prensaiberica.es/clip/dbef0757-1c84-4028-b3d3-bfd6ca72c99a_alta-libre-aspect-ratio_default_0.jpg)
Panel informativo da Vía Mariana na igrexa de Baíñas / C. Vimianzo
O segundo, localizado á beira da igrexa de Berdoias, fala das etapas 16 e 17, as dúas últimas dun camiño que parte do Santuario do Sameiro, na cidade portuguesa de Braga, e que chega ao templo da Nosa Señora da Barca (Muxía).
A alcaldesa, Mónica Rodríguez, remarca a importancia de poñer en valor “itinerarios que pasan polo noso municipio e que contan con centos de camiñantes cada ano; persoas que teñen a oportunidade de coñecer todo o que temos para ofrecerlle en Vimianzo”.
Rodríguez agradece a colaboración das dúas asociacións, salientando “o gran traballo que fan polas súas parroquias, axudando a que cada vez sexan máis coñecidas e promocionando os seus lugares de interese patrimonial e cultural”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local