Ribeira pon en valor o traballo das mulleres no mar
![Luis Pérez, esquerda, e Fernando Abraldes con Elena Rodríguez, Ángeles Betanzos e Julia Noya](https://estaticos-cdn.prensaiberica.es/clip/d087d43e-e52f-4189-887b-b3d16ea721e5_16-9-aspect-ratio_default_1303564.jpg)
Luis Pérez, esquerda, e Fernando Abraldes con Elena Rodríguez, Ángeles Betanzos e Julia Noya / Cedida
Suso Souto
O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres que dedicaron as súas vidas ao marisqueo.
O concelleiro de Mar, Fernando Abraldes, foi o encargado de abrir o acto poñendo en valor a traxectoria de Elena Rodríguez, Ángeles Betanzos e Julia Noya das confrarías de Aguiño, Palmeira e Ribeira, respectivamente.
Na súa intervención explicou que son as mulleres con máis anos en activo de cadansúa confraría. “Estas mulleres traballaron e seguen a traballar facendo posible que hoxe poidamos dicir con orgullo que Ribeira é mar e posuímos un sector moi forte. Hoxe dicimos que temos un dos portos de baixura máis importantes de Europa e tamén é grazas á contribución das mulleres”, explicou Abraldes.
O alcalde, Luís Pérez Barral, aseverou que "en Ribeira o mar é unha parte vital da nosa identidade e estas mulleres traballaron incansablemente, a miúdo enfrontando condicións adversas, para mariscar dunha maneira que respecta e preserva o noso medio ambiente. O seu labor non só garante a calidade e o prestixio dos nosos produtos do mar, senón que asegura que esta tradición se manteña viva para as futuras xeracións”.
Pola súa banda, as homenaxeadas agradeceron o recoñecemento e contaron as dificultades que afrontaron dende que comezaron a mariscar ou como loitaron para puideran ter os mesmos topes que os seus compañeiros homes. Mostraron a súa preocupación polos riscos actuais como pode ser a falta de produtividade nas rías "ás que lle hai que buscar solucións ou as ameazas de proxectos contaminantes, como pode ser a megacelulosa de Altri", sinalaron.
Dende o Concello aseguran que facer esta homenaxe é un paso adiante cara á igualdade, "sobre todo nun sector onde a visibilidade e o recoñecemento a miúdo non corresponden á importancia do traballo realizado; por iso é esencial destacar o papel destas mulleres. Non só son traballadoras, senón tamén líderes, modelos a seguir e piar fundamental das nosas familias e sociedades. Con este acto de recoñecemento, celebramos non só os seus logros individuais, senón tamén a importancia crucial das mulleres no sector do mar en Galicia”.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local