LETRAS GALEGAS
Guadalupe Vázquez e Modesto Fraga inauguran a biblioteca rural da escola fisterrana do Val de Duio
A escritora carnotana tamén foi homenaxeada, nun emotivo acto, pola veciñanza de Quilmas
![Guadalupe Vázquez, no centro, no encontro literario en Duio](https://estaticos-cdn.prensaiberica.es/clip/d3eeb8c1-b1df-4384-9cba-f94b58e0140c_16-9-discover-aspect-ratio_default_0.jpg)
Guadalupe Vázquez, no centro, no encontro literario en Duio / Cedida
J. M. Ramos
A comisión de festas de Duio (Fisterra) conmemorou a festividade das Letras Galegas inaugurando a biblioteca rural da escola de Vilar de Duio. Un acto ao que foron convidados a escritora e mestra carnotana afincada en Cee Guadalupe Vázquez Formoso e o seu homólogo fisterrán Modesto Fraga.
![O escritor Modesto Fraga presentou 'Don Emerito' na biblioteca da escola de Duio](https://estaticos-cdn.prensaiberica.es/clip/1b158ed4-b042-4d77-ae6d-3ad6179e369a_alta-libre-aspect-ratio_default_0.jpg)
O escritor Modesto Fraga presentou 'Don Emerito' na biblioteca da escola de Duio / Cedida
Guadalupe Vázquez presentou as súas obras e protagonizou unha sesión de contacontos, na que rodeada de nenas, nenos e as súas familias, relatou as historias do Coelliño branco e o Bo Camiño Valentiño. Pola súa banda, Modesto Fraga fixo unha nova presentación do seu libro Don Emerito. A cita complementouse con obradoiros e unha merendola.
![Guadalupe Vázquez no acto celebrado en Quilmas](https://estaticos-cdn.prensaiberica.es/clip/dc8820fd-4be5-4451-b413-cf2370205941_alta-libre-aspect-ratio_default_0.jpg)
Guadalupe Vázquez no acto celebrado en Quilmas / Cedida
No lugar de Quilmas (Carnota) as veciñas e veciños do pobo tamén festexaron as Letras Galegas con actuacións musicais a cargo da agrupación e as pandereteiras Chan de Lamas e Portela Vella. Asemade, a veciñanza quixo facer un recoñecemento á escritora Guadalupe Vázquez, natural de Quilmas e autora da novela que leva por título Conto de Quilmas.
![Letrogrifa coa que foi agasallada Guadalupe Vázquez en Quilmas](https://estaticos-cdn.prensaiberica.es/clip/01e3ec31-372e-4195-b710-3527d5f941d6_alta-libre-aspect-ratio_default_0.jpg)
Letrogrifa coa que foi agasallada Guadalupe Vázquez en Quilmas / Cedida
Os representantes veciñais agasallárona cunha letrogrifa, unha peza artesanal do ceramista Nacho Porto, que representa a "unha rapaza que ten letras no corpo e cando abre a billa da súa cabeza saen contos, relatos, cancións....".
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local