CULTURA
‘O traballo de Andrea’ gaña a sétima mostra teatral Labarta Pose, de Zas
Emilio González foi elexido mellor actor e Miriam Bouso distinguida como a actriz máis brillante
O alcalde, Manuel Muíño, entregou un trofeo a Badius polos seus 40 anos sobre os escenarios
![O alcalde, terceiro pola dereita en primeira fila, co xurado, premiados e concelleiros](https://estaticos-cdn.prensaiberica.es/clip/736496b7-4479-493a-ad96-870fdf35117f_16-9-discover-aspect-ratio_default_0.jpg)
O alcalde, terceiro pola dereita en primeira fila, co xurado, premiados e concelleiros / C. Zas
J. M. Ramos
O Colectivo Cultural Ollomao, de Barreiros (Lugo), fíxose co primeiro premio da VII Mostra de Teatro Afeccionado Labarta Pose, organizada polo Concello de Zas, coa obra O traballo de Andrea. Conseguiu a mellor valoración do xurado e tamén o galardón que outorga o público, polo que recibiron un total de 1.100 euros, máis trofeo e diploma acreditativo.
O segundo premio foi para Crónica dun pobo, de Gargallada Teatro;o terceiro para A pousada da pantasma coxa, de A.C. Faíscas; o cuarto levouno Lonxe dos teus abrazos, da A.C. Teatro do Ar; e o quinto Fatum, de O Catre Teatro. Cada compañía foi agasallada con 700 euros.
Pola súa banda, Emilio González López, foi distinguido como mellor actor pola súa interpretación de Ditador na obra Crónica dun pobo, e Miriam Bouso Gallego, levou o galardón outorgado á mellor actriz pola súa interpretación de Andrea na obra O traballo de Andrea.
O alcalde de Zas, Manuel Muíño, fixo tamén entrega, en nome de todo o Concello, dun trofeo aos membros da compañía Badius, de Baio, para recoñecer os máis de 40 anos que levan enriba dos escenarios. Antes do acto, tivo lugar a clausura da Escola de Teatro Infantil de Zas, dirixida por Toño Casais, coa representación de O rei nú.
- Ni cada dos semanas ni cada mes: los expertos se pronuncian sobre la frecuencia exacta con la que debemos cambiar las sábanas
- El Correo Gallego - Diario de la capital de Galicia
- “Nunca he estado en una ciudad como Santiago, por eso creo que estoy muerto y me lo he inventado todo”
- Se lleva el 'zasca' de su vida tras negar que el gallego es un idioma: 'No eres bilingüe cari
- Así es el impresionante ático dúplex en venta en Santiago de Compostela, con espectaculares terrazas y el piso más barato del casco histórico
- Alerta amarilla por fuertes lluvias en Galicia desde este lunes: ¿Hasta cuándo lloverá en Santiago?
- Una madre pide ayuda para esclarecer el atropello de su hija menor en Santiago
- Una reunión de exalumnos de Teo superó el medio millar de comensales en el entorno de la capilla de As Cabezas