A Xunta avaliará as demandas dos veciños de Xoane e Cances para mellorar a estrada AC-414

A delegada da Xunta, Belén do Campo, abordou co alcalde de Carballo, Evencio Ferrero, a situación da actuación de renovación do firme e calmado de tráfico na AC-414 ao seu paso por Xoane e Cances, que se suspendeu polas protestas da veciñanza e para dar tempo a clarexar as cuestións achegadas. Do Campo trasladoulle o compromiso da Xunta para acadar unha solución “a algún problema particular que poida relacionarse con algunha pendente ou acceso a algunha das vivendas”.

Carballo completa a travesía de Sísamo cun investimento de máis de 2,2 millóns de euros

Neste senso, solicitou a colaboración do rexedor, para que, a través dos seus técnicos, fagan chegar as propostas dos veciños para ser avaliadas e, no caso de ser tecnicamente posibles, se executarían no momento en que se retomen as obras.

Instan á Xunta e Concello de Carballo a instalar unha pasarela provisional na Milagrosa

A delegada aclarou que executar estar actuación, que supera os 700.000 €, “é fundamental para garantir a seguridade viaria” porque inclúe a reposición do firme, incluídos os aparcamentos, a sinalización, pasos de peóns elevados e a limitación da velocidade aos camións pesados.