25 Xullo 2021
25X

Ano Santo 2021-22

Úrsula Heinze de Lorenzo / Escritora

  • 24 jul 2021 / 19:41
  • Ver comentarios
Noticia marcada para leer más tarde en Tu Correo Gallego

calor

chuvia

en xullo

no día do

Apóstolo Santiago


figura de pedra

eterna

de forza

de esperanza

tesouro histórico

da cidade

de Santiago


para honralo

non se precisan palabras

tódalas gabanzas

xa se dixeron


persoas

van á misa

persoas

van á praia

persoas

van ás festas


persoas

abandonadas

sen praia

sen festa

coa misa

na televisión


neste tempo

de soidade

e incomprensión

Santiago

no pensamento

pode servir

de consolo


unha pedra

SI

pero chea

de historia

de simbolismo

e o que é

máis importante

de herdanza humana


grazas a

El Correo Gallego

que tódolos anos

festexa o día do Apóstolo

cunhas páxinas especiais

chega o evento

ó estranxeiro


no século

da técnica e

da deshumanización

son precisos

símbolos e

figuras da historia

que sobreviviron

a tódalas épocas


un editor / amigo alemán

que percorreu

o Camiño de Santiago

varias veces

pídeme sempre

recortes con

noticias da Catedral

publicados en

El Correo Gallego

para ser informado


hai uns anos visitei

coa miña filla Amaia

a catedral de Naumburg

unha vella cidade

no leste de Alemaña

antes inaccesible para nós

por estar na órbita

da Unión Soviética

a catedral posúe

un dos poucos e máis antigos

LETTNER

conservados en Europa

de estilo románico


os LETTNER

típicos da Idade Media

consisten

nunha parede un pouco alta

de madeira traballada

ou tamén de pedra

detrás dela colocábase

o clero para rezar

separado desta maneira dos laicos


moito nos sorprendeu

cando o guía

nos falou

de testemuños

do Apóstolo Santiago

naquela catedral


ó final

falamos con el

para dicirlle que

‘levabamos saúdos

do Apóstolo’

que eramos de Santiago


alegrouse moito

e pediunos información

de todo o relacionado

coa nosa cidade

onde nunca estivera.


O Apóstolo desde o alto

da Catedral observa e

protexe a nosa cidade

esperemos que por

moitos séculos máis.

Tema marcado como favorito