Un Campus Tecnolóxico formará en programación e novas tecnoloxías á cativada

A primeira edición do Campus Tecnolóxico celebrarase na Escola Técnica Superior de Enxeñaría (ETSE) do Campus de Santiago durante as semanas do 26 ao 30 de xuño e do 3 ao 7 de xullo co fin de promover o desenvolvemento na cativada de habilidades relacionadas coa linguaxe da programación e as novas tecnoloxías. Dirixido a nenos/as e mozos/as de entre 6 e 16 anos, contará con obradoiros de drons, domótica, ou desenvolvemento de videoxogos, entre outros.