Santiago acollerá a segunda edición do Cumio Galego contra o Discurso do Odio
O obxectivo é achegar recursos para combatelo dende a educación e os movementos sociais
Redacción
A cidade de Santiago acolle os días 15 e 16 de xuño a segunda edición do Cumio Galego contra o Discurso de Odio. O obxectivo destas xornadas é entender as dinámicas que o sosteñen, pero tamén achegar recursos, experiencias inspiradoras e testemuños dos que aprender en dous ámbitos moi concretos: a educación e as organizacións e movementos sociais.
A cita está impulsada pola Coordinadora Galega de ONGD no marco de Compostela+Solidaria, un programa financiado polo Concello de Santiago a través da Unidade de Atención ás Migracións-UAMI. O Cumio conta tamén coa colaboración da Universidade de Santiago e das organizacións EAPN-Galicia, Agareso e Ecos do Sur. Terá lugar no edificio CIEDUS na Finca de Vista Alegre.
O xoves 15 de xuño é unha xornada especialmente dirixida á comunidade educativa e equipos técnicos de Educación para a Cidadanía Global, coa ponencia Educando na diversidade. Nela participarán Ovidio Villar, docente e impulsor de numerosas iniciativas no IES Carlos Casares de Viana do Bolo; Sonia Díaz, técnica de Educación para a Cidadanía Global de Agareso, e Marta G. Franco, hacktivista e xornalista do equipo de La Intersección e iniciativas como @nolesdescasito.
A xornada do 16 de xuño desenvólvese en horario de mañá e tarde (09.00-14.00 e 15.30-17.00) e está aberta a organizacións e colectivos sociais diversos, así como a persoas con interese na comunicación, a tecnoloxía ou a educación. Terá duas ponencias: a da xornalista e investigadora Paula Guerra Cáceres, co-coordinadora do colectivo AlgoRace e a da xornalista Vivian Rangel, investigadora e docente de maldita.es.
- Denuncian destrozos en el suelo del Obradoiro tras la actuación de la orquesta Panorama
- Relevo en la Gerencia del área sanitaria de Santiago: Sanidade nombra a Ángel Facio Villanueva
- Más de cien alumnos del Colegio Manuel Peleteiro celebran su graduación
- Los 40 y el polémico concierto de la Panorama dan el pistoletazo de salida a las fiestas de la Ascensión
- Fiestas de la Ascensión 2024 en Santiago: consulta aquí todos los horarios del programa
- El furor por el ramen llega a Santiago: así son los tres nuevos restaurantes que acaban de abrir sus puertas en el último mes
- Cierra un nuevo local en la 'milla de oro' de Santiago y ya se alquila por 3.500 euros al mes
- Caamaño prevé cerrar esta semana los cambios en Sanidade: ¿Habrá relevo en la gerencia de Santiago?