Os socialistas de Santiago prometen pedir medidas de seguridade viaria na senda de Figueiras

Os socialistas composteláns reuníronse esta semana coa asociación Aba do Pedroso para escoitar as “súas demandas” en relación coas obras que está a executar a Deputación da Coruña entre o Carme de Abaixo e a Selva Negra.

Acuerdo entre el bipartito y el PSOE para los presupuestos de 2024

Ao encontro do entidade veciñal asistiron o secretario xeral do PSOE compostelán, Aitor Bouza, a deputada provincial responsable, Mónica Rodríguez, e o portavoz do grupo municipal, Gonzalo Muíños.

Bouza asegurou que no encontro coa xunta directiva da asociación e tamén con parte da veciñanza “achegáronnos aquelas cuestións que lles preocupan” en relación con estas obras. Cuestións sobre as que o secretario xeral dos socialistas se comprometeu a trasladar ao Goberno local a través do seu partido.

Unhas inquedanzas fundamentalmente referidas ás actuacións de mellora da seguridade viaria na contorna da senda peonil que se está a executar.

A Deputación destina a estas obras uns 900.000 euros, para a construción desta senda peonil de 2,56 km., un proxecto que impulsado polo goberno de Sánchez Bugallo que busca unir a zona urbana da cidade con Figueiras, ampliando o ancho da beirarrúa de 0,5 a 2,8 metros.