Agasallan unha antoloxía de Rosalía a quen merque un libro en galego ata o 3 de marzo
A iniciativa está organizada pola Fundación Rosalía e a Fundación Xistral con motivo do aniversario do nacemento da grande escritora galega
![Pola esquerda, o presidente da Fundación Xistral, Carlos Blanco; o secretario xeral de Política Lingüística, Valentín García; o presidente da Fundación Rosalía, Anxo Angueira; e o alcalde de Padrón, Anxo Arca, na presentación dos actos do Día de Rosalía](https://estaticos-cdn.prensaiberica.es/clip/4595f38c-7b28-40b1-8f30-2cef38e23873_16-9-discover-aspect-ratio_default_0.jpg)
Pola esquerda, o presidente da Fundación Xistral, Carlos Blanco; o secretario xeral de Política Lingüística, Valentín García; o presidente da Fundación Rosalía, Anxo Angueira; e o alcalde de Padrón, Anxo Arca, na presentación dos actos do Día de Rosalía / Fundación Rosalía
Redacción / E.P.
A Fundación Rosalía e a Fundación Xistral regalarán 20.000 exemplares dunha selección da obra de Rosalía de Castro entre todas as persoas que compren un libro en galego con motivo do Día de Rosalía.
O obxectivo, explican, é triple: "celebrar a Rosalía, promover o libro en galego e fidelizar lectores para mellorar a realidade do libro galego".
O proxecto presentouse este luns en rolda de prensa xunto a toda a programación do Día de Rosalía. Nela participaron o presidente da Fundación Rosalía de Castro, Anxo Angueira; o representante da Fundación Xistral, Carlos Blanco; o secretario xeral de Política Lingüística, Valentín García; o alcalde de Padrón, Anxo Arca; e os representantes da Asociación de Gaiteiros, Gustavo Couto e Olimpio Xiráldez.
Iniciativa coa Fundación Xistral
A iniciativa está organizada pola Fundación Rosalía e a Fundación Xistral, unha nova entidade que "nace co obxectivo de promocionar a lingua e a cultura galegas e que, formada por actores importantes da cadea de valor do libro galego, inicia a súa actividade festexando á autora máis relevante das letras galegas".
Así, cada persoa que compre un libro en galego nas librerías galegas do 6 de febreiro ata o 3 de marzo, levará como regalo unha selección de textos rosalianos titulada Celebremos Rosalía, realizada por Anxo Angueira e editada por Casa de Rosalía e Xistral.
Na actividade, apoiada pola Xunta de Galicia, colaboran a Federación de Librerías de Galicia, a Asociación Galega de Editoras, a Asociación de Escritoras e Escritores en Lingua Galega e O Corte Inglés.
Programación do Día de Rosalía
![Este 23 de febreiro celébrase o día de Rosalía de Castro cunha ampla programación en Padrón e Santiago](https://estaticos-cdn.prensaiberica.es/clip/e6af928c-e074-4d84-a12a-2c5351f57317_alta-libre-aspect-ratio_default_0.jpg)
Este 23 de febreiro celébrase o día de Rosalía de Castro cunha ampla programación en Padrón e Santiago / Casa de Rosalía
A Fundación presentou tamén outras actividades e convidou a todo o país a celebrar o Día de Rosalía lendo textos da autora, facendo un Caldo de Gloria e uníndose á Alborada para Rosalía.
O acto central terá lugar, como sempre, ás 12:00 horas no Hostal dos Reis Católicos. Haberá unha lectura de poemas rosalianos e actuarán os Carapaus, a cantante Faia e alumnos da Escola de Música de Santiago.
Antes, ás 11:00 horas, haberá Alborada cos Carapaus e ofrenda floral na praza de Vigo, preto de onde naceu Rosalía en 1837.
Todo comezará ás 10:00 horas en Padrón coa lectura de poemas do alumnado Instituto Camilo J. Cela de Padrón e do Macías Ou Namorado fronte á estatua de Rosalía.
Ao Caldo de Gloria xa se sumaron moitos colexios e locais hostaleiros de todo o país. Repartiranse máis de 60.000 manteis da iniciativa, esparexidos por toda a xeografía galega. Este ano participarán ademais varios centros galegos no exterior, como os de Donostia, Castelló, Burgos, Alacante e Valencia.
Desde a Fundación o ano pasado repartíronse 46.000 manteis de papel co poema que inspirou esta iniciativa, 'Miña casiña, miña lareira' na que a poerta explica como facer un caldo humilde "a partir da épica da supervivencia, diaria e doméstica, que protagoniza unha muller".
Nesta sétima edición, volverá tras a pandemia o Caldo de Gloria á Casa-Museo da man de Suso de Ou Dezaseis e Uxía, coñecida parella gastronómico-cultural, responsable do popular restaurante compostelán e cantora galega, respectivamente.
Eles ofrecerán a súa versión do caldo aos presentes (19:00 horas), xunto co 'birlo do pote' realizado por tres mulleres de Mazaricos (Esther, Angelita e Laura). En anteriores edicións elaborárono cociñeiros como Óscar Vidal, Xoanqui Ameixeiras, Lucía Freitas, Pepe Solla, Chef Rivera ou Benigno Campos, ademais da escritora Ledicia Costas.
Alborada
![A Casa Museo de Rosalía de Castro celebra este 23 de febreiro o Día de Rosalía con lecturas, música, alborada e caldo de gloria](https://estaticos-cdn.prensaiberica.es/clip/5f1aa74e-bb29-411e-9193-3944b239a280_alta-libre-aspect-ratio_default_0.jpg)
A Casa Museo de Rosalía de Castro celebra este 23 de febreiro o Día de Rosalía con lecturas, música, alborada e caldo de gloria / ECG
A continuación, no auditorio da Casa-Museo terá lugar o concerto da cantora Faia, membro de The Vacas, no seu proxecto en solitario que traballa ao redor da música de tradición oral, coa voz como ferramenta esencial, a sonoridade do espazo e escóitaa activa.
Por último, este ano volverase celebrar o Día de Rosalía cunha Alborada en colaboración coa Asociación de Gaiteiros e Gaiteiras Galegas.
Trátase dunha peza musical escrita polo propia poeta, polo que fan un chamamento a todos os gaiteiros galegos, ademais doutros músicos, para "dar unha alborada e saudar con alegría e esperanza" o día do nacemento da escritora.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local