Vista Alegre: comezan a soterrar o cableado case sete anos despois de rematar as obras

En outubro de 2016, rematadas as obras de Mellora da Mobilidade e da Accesibilidade no barrio de Vista Alegre, iniciaba o procedemento para que as empresas de telecomunicación que operaban na zona (Teléfonica e R) procedesen ao soterramento do cableado. Un ano despois a retirada dos cabos aínda non se producira pese a que “o mantemento das liñas aéreas se considera non compatible coas actuacións de mellora no barrio, cualificado como Área de Rehabilitación Integral (ARI)”.

Un jabalí en Vista Alegre sorprende a los vecinos en plena tarde

Así consta no escrito que a veciñanza, representada pola asociación Álvaro Cunqueiro, presentou en 2022 ante a Valedora do Pobo, fartos de agardar que o Goberno municipal instase as teleoperadoras a acometer o soterramentos dos citados elementos. Durante estes anos as problemáticas dos veciños co cableado sucedéronse, dende a obstaculización de acceso a determinados portais, algunhas vivendas que viron impedida a posibilidade de abrir de as fiestras por estaren colgadas sobre elas os cabos, ata dárense situacións de perigo para os transeúntes.

Non foi ata estes últimos días cando por fin o Concello comezou a poñer remedio a esta situación, comezando o soterramento do cableado pola rúa Boiro. Segundo fontes do Pazo de Raxoi, acometeranse estas obras no eixo Norte-Sur do barrio (entre as rúa Boiro e a avenida Castelao) e no eixo Leste-Oeste (entre as rúas Vista Alegre e Bispo Diego Peláez). O Goberno local, que anuncia que as obras continuarán nas próximas semanas, solicita “a colaboración da veciñanza para que pida a migración de cobre ás novas redes de fibra óptica” ás súas compañías teleoperadoras.

Rede Aberta consigue 50 millones para extender su red de fibra en el rural gallego

Dende a Asociación de Veciños (A.VV.) Álvaro Cunqueiro ven agora próxima a resolución desta situación que precarizaba a vida no barrio. Segundo o seu presidente, David Ríos, as conversas co concelleiro de Vías e Obras, Xesús Domínguez, comezaron o outono pasado e no mes de novembro “instou a R a que comezasen as obras no mes de febreiro”. Requerimento que a teleoperadora cumpriu e polo o que dende a A.VV. non dubidan en recoñecer os esforzos do edil do BNG. “Gonzalo Muíños (PSdeG) tentou mover algo durante o pasado mandato”, pero os anteriores titulares de obras “non foron quen de priorizar as necesidades da veciñanza fronte ás grandes empresas”, asegura o seu presidente.