Optimismo en Raxoi polo "avance considerable" do futuro parque comarcal de bombeiros
Sanmartín e Duro reciben os alcaldes da contorna para informalos sobre a xuntanza con Xunta e Deputación
Reúnen informes xurídicos que avalan a idea do Concello de Santiago para sacar prazas a concurso
![La alcaldesa Sanmartín y el concelleiro Xan Duro se reunieron en Raxoi con los regidores de los gobiernos municipales del área de Santiago para explicar los avances en el parque comarcal de bomberos](https://estaticos-cdn.prensaiberica.es/clip/e05d98c4-e45c-454b-ba99-9adc3c6bb1ae_16-9-discover-aspect-ratio_default_0.jpg)
La alcaldesa Sanmartín y el concelleiro Xan Duro se reunieron en Raxoi con los regidores de los gobiernos municipales del área de Santiago para explicar los avances en el parque comarcal de bomberos / ECG
A alcaldesa de Santiago, Goretti Sanmartín, e o edil de Mobilidade, Xan Duro, recibiron na mañá deste mércores os alcaldes da comarca para comunicárenlles o contido da xuntanza mantida esta semana coa Xunta e a Deputación da Coruña para comezar a traballar na redacción dun convenio de colaboración para crear o parque comarcal de bombeiros.
"Avanzouse de maneira considerable para que o parque sexa unha realidade", comentou a alcaldesa, amosando o optimismo das corporacións neste sentido. Sanmartín destacou a achega de dun millón de euros, de Xunta e Deputación, para a realización das obras, así coma outro tanto investido dende o Consorcio provincial de bombeiros para contratación de persoal.
Aumentar o cadro de persoal
Sobre esta materia, o edil Xan Duro congratulouse de ter desbotado "dotar o servizo en base a horas extra, que non era garantía", e destacou que o Concello conta con informes xurídicos "que avalan a nosa idea de sacar prazas a concurso" e así aumentar o cadro de persoal. A este respecto Duro aclarou que o procedemento sera por oposición, suxeito a uns prazos, "pero hai a posibilidade de ir cubrindo prazas con interinidades".
O edil, que apuntou que a intención do Concello é a de realizar incorporacións periódicas tamén puntualizou que isto "supón ter fondos". "Agora hai unha serie de xubilacións" que se cubrirán e permitirán a creación dunha lista de agarda sobre a que ir avanzando, pero a provisión de persoal "non vai ser de hoxe para mañá".
Duro indicou que dende a súa área se traballa agora no proceso butocrático para a sinatura do convenio e un procedemento técnico para coñecer as necesidades específicas de cada concello en materia de emerxencias.
Ambos os dous representantes do goberno municipal insistiron, alén de amosar o seu optimismo polos pasos dados para conseguir avanzar na creación do parque comarcal, en que o prioritario é desenvolver os informes necesarios para a elaboración e sinatura do convenio durante este 2024.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local