Axenda cultural: ¿Que facer hoxe, 22 de abril, en Santiago?
Compostela conmemora o 50 aniversario da Revolución dos Caraveis cunha conferencia e adiántase ao Día do Libro con varias presentacións
![Inés Gontad, fotógrafa santiaguesa](https://estaticos-cdn.prensaiberica.es/clip/298adc55-c4b1-47d3-977f-88ef64688594_16-9-discover-aspect-ratio_default_0.jpg)
Inés Gontad, fotógrafa santiaguesa / cedida
Redacción
Inés Gontad inaugura exposición
A fotógrafa santiaguesa Inés Gontad expón as súas imaxes de natureza salvaxe, caracterizadas pola luz, a cor e a composición no Centro Empresarial do Tambre. A mostra, titulada Color.map inaugúrase hoxe ás 20 horas e poderase visitar ata o 24 de maio.
O Ateneo conmemora a Revolución dos Caraveis
O Ateneo de Santiago e a Asociación Federalista de Galicia únense hoxe ás celebracións do 50º aniversario da Revolución dos Caraveis portuguesa a través da organización conxunta dunha conferencia que levará por título O iberismo, onte e hoxe, que estará impartida por Ramón Villares, Catedrático de Historia Contemporánea e profesor emérito da USC. Na charla, que se desenvolverá ás 19.30 horas na Rúa do Vilar, 19, Villares explicará a evolución histórica do iberismo, movemento político e cultural xurdido no século XVIII, que tivo a grandes defensores a ambos lados da fronteira, entre eles, a personalidades como José Saramago, Miguel de Unamuno, Pi i Margall ou Antero de Quental. Villares foi presidente do Consello da Cultura Galega, decano de Historia e reitor da USC, entre outros cargos.
![Ramón Villares ofrece este lunes una conferencia en el Ateneo de Santiago con motivo de los 50 años de la Revolución dos Caraveis de Portugal](https://estaticos-cdn.prensaiberica.es/clip/3c5239c3-f8ce-42b6-93d8-a7dba55d0a90_alta-libre-aspect-ratio_default_0.jpg)
Ramón Villares ofrece este lunes una conferencia en el Ateneo de Santiago con motivo de los 50 años de la Revolución dos Caraveis de Portugal / cedida
Presentan un libro en Follas Novas
A libraría Follas Novas celebra hoxe ás 19.00 horas a presentación do libro No pudieron hacerlo mejor: Alfonso I el Batallador, Urraca I de León, obispo Diego Gelmírez, de Augusto Bruyel. O autor estará acompañado por José Miguel Andrade Cernadas, Catedrático de Historia Medieval. A obra fai un percorrido por estas figuras históricas e o seu contexto.
Obras do concurso literario da USC
Hoxe ás 12.00 horas preséntase na entrada da facultade de Filoloxía o libro editado coas obras premiadas na última edición do Concurso literario Mazarelos, organizado pola Comisión de Normalización Lingüística do centro. Abel Lorenzo-Rodríguez e Gael Uxío Proupín Cantelar foron os gañadores ex aequo da pasada edición.
María Solar asina a súa nova novela en El Corte Inglés
El Corte Inglés acolle a sinatura da nova novela da escritora e xornalista compostelana María Solar, unha das autoras máis coñecidas e lidas da literatura galega. O encontro será ás 19.00 horas na libraría do centro comercial, que conmemorará con este acto o Día do Libro adiantándose unha xornada á súa celebración oficial. A novela de Solar, titulada Adeline, foi finalista do XV Premio Jules Verne de literatura xuvenil e é unha homenaxe a Carmilla, o primeiro clásico de vampiros. Un dos conflitos fundamentais da obra é que os vampiros amosan a súa razón de ser confróntana coa dos humanos.
![A escritora e xornalista María Solar](https://estaticos-cdn.prensaiberica.es/clip/f6707141-7de5-459d-b1fa-1992fce2b3ff_alta-libre-aspect-ratio_default_0.jpg)
A escritora e xornalista María Solar / cedida
Concerto do CMUS e Mostra de Teatro
O paraninfo da Facultade de Historia acolle o primeiro concerto dun ciclo do conservatorio en colaboración coa USC ás 19.45 horas. Actuarán Acordachelos de Compostela, un quinteto de vento e un sexteto de metais. Ademais, comeza a Mostra de Teatro Universitario no Principal ás 20.30 horas coa peza Salón Colorado. Haberá funcións ata o día 30 neste espazo e na sala Vidal Bolaño.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local