Obradoiros e un concerto sorpresa das Tanxugueiras animaron a III Feira Gastronómica en Galicia Sen Glute
O evento, que contou con case 650 persoas, incluíu máis dunha vintena de postos de distinta comida apta para persoas celíacas
![Tanxugueiras ofreceron un concerto sorpresa como peche da feira gastronómica](https://estaticos-cdn.prensaiberica.es/clip/54749083-8668-41ef-92e0-df4c5bec5c05_16-9-discover-aspect-ratio_default_0.jpg)
Tanxugueiras ofreceron un concerto sorpresa como peche da feira gastronómica / ACEGA
L.R.
Preto de 650 personas participaron este domingo na terceira edición da Feira Gastronómica en Galicia Sen Glute, totalmente apta para celíacos/as. O evento, organizado pola Asociación de Celíacos de Galicia (ACEGA) tivo lugar no Hotel Oca Puerta del Camino de Santiago.
A feira contou cunha zona gastronómica onde se ofertou un menú degustación para todos os asistentes, con ricas elaboracións por parte de locais asesorados por ACEGA, tanto para nenos/as como para adultos/as. O menú adulto estivo basado en croquetas, polo kentucky, arepa de polo e queixo e arroz con zorza e ovo, finalizando con filloa de Lestedo doce e cremoso de requeixo de As Neves, mentres que o menú infantil foron croquetas, polo kentucky, arroz con zorza e ovo e como postre filloa de Lestedo.
Ademáis da zona de stands e gastronómica, onde o público asistente puido desfrutar de produtos 100% sen glute e un menú totalmente apto, ao longo do día houbo animación con DJ infantil para os máis pequenos, obradoiros de maquillaxe, debuxo, chapas e pulseiras, un zancudo, patinadoras, emocións, sorteos. O evento finalizou con un gran concerto sorpresa da man das artistas de Tanxugueiras.
O grupo galego, en palabras de ACEGA, “demostrou unha vez máis o seu compromiso social”, e en este caso co colectivo de persoas celíacas. Ofreceron un concerto acústico, nun formato íntimo e con moito sentimento, que agradou e sorprendeu a grandes e pequenos.
Con máis de 22 postos que representan á industria alimentaria galega elaboradora de productos sen glute, a feira logra consolidar a súa existencia. Coa colaboración de patrocinadores como a Dirección Xeral de Familia, Infancia e Dinamización Demográfica da Xunta de Galicia, Mercadona, Gadis, e Orona, o evento convírtese en referente do sector por ser a única feira 100 % sen glute de Galicia, desexando dar a coñecer un sector que está en auge e polo que se está a apostar en prol da inclusión dos menús sen glute nos diferentes ámbitos da vida social.
Máis de 2.000 asociados en ACEGA
A Asociación de Celíacos de Galicia (ACEGA), como unha entidade sen ánimo de lucro, agrupa con carácter voluntario a celíacos/as, os seus familiares e a todos aqueles enfermos cuxo tratamento esixa manter unha dieta sen glute, a fin de tratar as solucións máis idóneas aos problemas de tipo social, psicolóxico e técnico que poden presentarse como consecuencia da súa condición. Conta con máis de 2.000 asociados en toda Galicia.
Ofrecen varios servizos, tanto aos socios coma á sociedade en xeral, sendo algúns deles a información e asesoramento ao celíaco recentemente diagnosticado, a publicación anual dunha Lista de Alimentos e a aplicación móbil, actividades de convivencia e encontros entre asociados, desenrolo do programa Restauración En Galicia Sen Glute, actividades de difusión, información e concienciación á poboación xeral e a colectivos de interese, tales como sanitario ou restauración, entre outros.
- Antonio Catalán, fundador de AC Hotels by Marriott: 'La auténtica pandemia que tenemos ahora es la del piso turístico
- “Nunca he estado en una ciudad como Santiago, por eso creo que estoy muerto y me lo he inventado todo”
- Atardecer no Gaiás 2024: estos son los conciertos para gozar de las puestas de sol del verano en Compostela
- Dos jóvenes resultan heridas en sendos atropellos en Santiago
- ¿Ganas de un pulpo á feira? Dónde comer este delicioso manjar en Santiago
- Así es el impresionante ático dúplex en venta en Santiago de Compostela, con espectaculares terrazas y el piso más barato del casco histórico
- Limpieza de alcantarillas en Santiago para prevenir inundaciones ante la posible llegada de una DANA
- Alerta amarilla por fuertes lluvias en Galicia desde este lunes: ¿Hasta cuándo lloverá en Santiago?