Con máis de 80 metros cadrados de zonas verdes por habitante, Santiago mantén unha conexión estreita coa natureza. Parques urbanos, prados, ríos e os bosques circundantes forman parte do extenso patrimonio natural do Concello.

A cidade aséntase entre tres montes principais: Pedroso, Viso e Gaiás, e componse de pequenos outeiros, miradoiros naturais sobre o núcleo urbano e a omnipresente Catedral. O Sar e o Sarela circundan a cidade, á que se suman 21 parroquias rurais integradas nunha comarca natural única.