Pacientes do CHUS denuncian as "condicións lamentables" dos pacientes oncolóxicos do hospital

A Asociación de Pacientes e Usuarios do CHUS reitera a denuncia feita hai xa oito anos sobre as condicións en que están sendo atendidos os pacientes oncolóxicos que deben recibir tratamento no hospital de día. A mencionada denuncia levou á separación dos hospitais de día oncolóxico e hematolóxico, pero persisten os problemas estruturais postos de relevo xa daquela que, lonxe de se solucionar, aínda se agravaron nos últimos tempos.