Afaber forma na Laracha ás coidadoras de persoas con demencias neurodexenerativas
O curso vaise desenvolver no centro sociocultural de Vilaño
Baixo o título Coidados compartidos, a Asociación de Familiares de enfermos de Alzheimer e outras demencias de Bergantiños (Afaber) vai realizar, co apoio do Concello da Laracha, un curso dirixido ás coidadoras de persoas cunha demencia neurodexenerativa.
A iniciativa pretende achegar aos participantes formación e información sobre o alzheimer e outras demencias, así como explicarlles os servizos e os recursos públicos que teñen á súa disposición para mellorar a atención e a calidade de vida.
O curso vaise desenvolver no centro sociocultural de Vilaño, no lugar da Areosa. Farase en tres sesións os venres 10, 24 e 31 de maio e en horario de 16.00 a 18.40 horas. As persoas interesadas en participar poden ampliar información e formalizar a súa inscrición, que é gratuíta, a partir do próximo luns (29 de abril) no departamento de Servizos Sociais ou contactando directamente con Afaber. Na organización deste programa colaboran a Federación de Alzheimer de Galicia FAGAL e o Festival de La Luz.
- El Correo Gallego - Diario de la capital de Galicia
- Denuncian destrozos en el suelo del Obradoiro tras la actuación de la orquesta Panorama
- La privatización de la sanidad gallega avanza a menor ritmo que el conjunto de España
- Más de cien alumnos del Colegio Manuel Peleteiro celebran su graduación
- Sigue la polémica por la Panorama: el Concello evaluará los daños en el Obradoiro
- El Obradoiro ve la luz de la permanencia y confía en que Sar sea una fiesta el domingo
- Caso Asunta: la carta íntegra con la respuesta de Porto a Basterra desde la cárcel
- Fiestas de la Ascensión 2024 en Santiago: consulta aquí todos los horarios del programa