O Plan Local de Saúde achega máis a Atención Primaria aos veciños de Muros e Carnota
O servizo incorpórase á rede de centros médicos que desenvolven a estratexia de planificación // Os próximos serán os de Ordes e Valga
O Servizo de Atención Primaria de Muros e Carnota incorpórase á rede de centros que desenvolven o Plan Local de Saúde, que foi presentado este luns no antigo centro médico de Muros, nun acto ó que asistiu a xerente da área sanitaria de Santiago e Barbanza, Eloína Núñez. Trátase do quinto centro da área en implantalo. Arestora xa está en marcha en Santa Comba, Teo, A Estrada e Silleda e continuarase con Ordes e Valga.
Os plans locais de saúde son proxectos estratéxicos e de xestión que recollen as radiografías da saúde da poboación de referencia e a planificación de toda acción e medidas concretas que poidan mellorar a calidade de vida do cidadán. Están elaborados polos profesionais de cada centro, os que máis e mellor coñecen as demandas de atención dos pacientes.
Todos os plans comparten uns principios básicos que afondan nunha atención integral e integradora, centrada na persoa, que potencia a visión familiar e comunitaria, que garante a accesibilidade, continuidade e coordinación nos coidados, que estea baseada na promoción, prevención e proactividade, e que permita novas asignacións entre os profesionais. Para lograr as accións relacionadas cos obxectivos do plan facilitarase a formación, docencia e investigación dos profesionais de Atención Primaria.
A xerencia adecuará os recursos dos centros para mellorar o nivel de saúde da cidadanía e ampliar a carteira de servizos, creando unha unidade específica para promover a saúde, compartida entre os servizos de Atención Primaria (nutricionista, psicólogo e técnico de Ciencias da Saúde e o Deporte).
- El Correo Gallego - Diario de la capital de Galicia
- Cesa el equipo directivo por los problemas de convivencia que lleva meses sufriendo el Instituto do Milladoiro
- El eucalipto de Galicia prepara su camino para convertirse en ropa
- Lavacolla se prepara para recibir a los viajeros de los vuelos desviados por el cierre de Peinador
- Devuelven unos 4.000 euros que escupió un cajero automático en Lalín tras ingresarlos un vecino
- La nueva tableta de chocolate con galleta revoluciona Mercadona: cuesta 1€ y dicen que es mejor que el de Nestle
- Crónica social compostelana | La familia De la Iglesia se reúne en honor a sus padres
- Así fue el discurso viral de una gallega contra el turismo que cada año inunda Santiago de Compostela: "Somos un decorado en su Camino de Santiago