Ames homenaxeou a Rosalía nunha gala chea de música e de poesía na que se enxalzou o seu feminismo
O acto contou con medio cento de asistentes en representación dos centros de ensino // Actuou a compositora Najla Shami
redacción
A casa da cultura de Bertamiráns acolleu esta fin de semana unha gala-homenaxe a Rosalía de Castro con motivo do aniversario da escritora. O evento, que buscaba poñer en valor a obra de Rosalía e destacar a súa valía como figura comprometida e feminista, foi conducido pola xornalista Esther Estévez. A parte musical correu a cargo da cantora e compositora Najla Shami. Ademais, participaron máis de cincuenta persoas en representación dos centros educativos de Infantil, Primaria e Secundaria do concello.
A gala comezou cunha actuación de Najla Shami, seguida dun vídeo preparado pola Escola Infantil do Milladoiro no se que amosaron diferentes poemas de Rosalía ilustrados e recitados polas crianzas.
A continuación, a xornalista Esther Estévez, encargada de presentar o evento, deulle paso á concelleira de Normalización Lingüística, Escarlata Pampín, e ao alcalde de Ames, Blas García. Escarlata Pampín, tras recitar un dos poemas máis famosos da autora, A xustiza pola man, lembrou a importancia da súa figura, non só como abandeirada da lingua galega, senón tamén como pioneira do feminismo e como referente do compromiso por Galicia. O alcalde, Blas García, tamén leu uns versos de Rosalía e fixo fincapé no vínculo entre as raíces familiares da escritora e a parroquia de Ortoño. Asimesmo, insistiu na riqueza que nos achega a lingua galega e animou aos presentes a empregala.
A comunicadora Paula Señarís foi a seguinte en subir ao escenario, onde tivo a oportunidade de ler o manifesto Cumpriuse a xustiza escrito por Carmen Adán para a Asociación de Escritoras e Escritores en Lingua Galega no Día de Rosalía.
No acto participaron tamén rapaces e rapazas de todos os centros educativos. O terceiro curso de Primaria do CEIP Agro do Muíño recitou o poema Xan, ao son da gaita, do tambor e da pandeireta; despois dous alumnos de sexto presentaron as súas propias regueifas, baixo o título Regueifando con Rosalía. Tamén se proxectou un vídeo do alumnado do CEIP de Barouta, no que se amosou o xardín de Rosalía.
- El Correo Gallego - Diario de la capital de Galicia
- Estos son los dos pueblos más felices de Galicia: los únicos en el top35 de España
- ¿Por qué es tradicional colocar "ramas de xesta" en las puertas de las casas durante el mes de mayo en Galicia?
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Un hotel de Santiago se cuela entre los mejores de España al ganar la nueva distinción de la Guía Michelin
- Acciona se asocia con Nissan para la distribución en Europa de su nuevo nanocar Silence S04
- El informe municipal sobre la actuación de la Panorama en el Obradoiro es negativo: ¿Habrá cambio de escenario?
- Ames negociará con la Xunta para levantar 213 viviendas de protección junto al IES de Milladoiro