Emoción e música na presentación en Cee da novela ‘Carburos é o meu dios’, de Guadalupe Vázquez
A súa autora asegura que é "unha obra de lembranza histórica e homenaxe"
Proxectou un vídeo con entrevistas a traballadores das obras do Salto Castrelo
J. M. Ramos
Guadalupe Vázquez Formoso, escritora e docente no CPR Manuela Rial Mouzo, presentou este sábado na Casa de Cultura de Cee a súa segunda novela, Carburos é o meu dios, nun acto ao que asistiron preto de cen persoas. A autora compartiu mesa con Iván Pequeño e Alfonso Mouzo, “Chiri”, traballadores da fábrica e presidente e expresidente respectivamente do comité de empresa de Xeal.
"Carburos é o meu dios é unha obra de lembranza histórica e homenaxe aos traballadores da fábrica e do Salto Castrelo”, explicou a autora, “pero tamén son palabras saídas da alma, palabras reais pronunciadas por un que foi un orgulloso traballador de Carburos Metálicos: o avó Gerardo Parga Sánchez, e tantos outros que compartían esa idea, como podía ser o meu propio avó de Louredo, Manuel Vázquez Trillo – o “carnotán” para os seus compañeiros da fábrica –, que traballaron dando sempre o mellor de si mesmos e agradecendo cada peseta que recibían, por permitirlles algo básico para calquera home: a dignidade que dá o traballo, e poder alimentar a unha familia.”
Proxectouse tamén un vídeo de fragmentos de entrevistas feitas pola autora a antigos traballadores das obras do Salto Castrelo como traballo de documentación para o seu libro. Neste caso, fragmentos da entrevista feita á señora Celina, do Ézaro, de noventa e un anos de idade.
O acto finalizou coa guinda musical ofrecida pola Agrupación Chan das Lamas, de Quilmas, veciños de Guadalupe, que obsequiaron ao público asistente con fermosas pezas tradicionais como “o galo cando canta é día”, adaptado a Quilmas.
- El Correo Gallego - Diario de la capital de Galicia
- Denuncian destrozos en el suelo del Obradoiro tras la actuación de la orquesta Panorama
- La privatización de la sanidad gallega avanza a menor ritmo que el conjunto de España
- Más de cien alumnos del Colegio Manuel Peleteiro celebran su graduación
- Fiestas de la Ascensión 2024 en Santiago: consulta aquí todos los horarios del programa
- El Obradoiro cumple derrotando a un duro Palencia y le mete toda la presión al Granada
- Muere ahogado en una piscina de un hotel de Castellón un menor gallego de 16 años
- Los líderes políticos se reúnen en la pulpada de la Ascensión