EMPRENDEMENTO
Os estudantes do instituto de Negreira coñecen o labor dos coworkers do espazo A Proa
O alcalde, Blas García, subliñou a importancia de brindar oportunidades a persoas con ideas novas
![O alcalde, Blas García, e dúas concelleiras recibiron aos estudantes e profesores](https://estaticos-cdn.prensaiberica.es/clip/23d1bbbf-ec25-40f1-a1a9-961399f510d6_16-9-discover-aspect-ratio_default_0.jpg)
O alcalde, Blas García, e dúas concelleiras recibiron aos estudantes e profesores / C. Ames
Redacción
Un grupo de 30 persoas, 27 alumnos e 3 profesores, do IES Xulián Magariños, de Negreira, visitaron as instalacións do espazo colaborativo A Proa para coñecer a experiencia laboral dos coworkers. Parte do alumnado está cursando o primeiro curso do ciclo medio de Técnico en Sistemas Microinformáticos e Redes, mentres que outros estudan primeiro do ciclo medio de Administración de Sistemas Informáticos en Rede.
Marcos Estévez, enxeñeiro forestal e consultor en bioeconomía, da empresa Amonte, explicoulles a súa experiencia en traballos de xestión agroforestal para persoas, e Rosa Taboada, de Martela Films, achegoulles o proxecto As labregas, un dos seleccionados do Ames AV LAB. Trátase dunha serie de ficción baseada en feitos reais que conta a historia dunha muller urbanita que chega a Ames, onde atopa unha serie de cartas que a levan a descubrir a historia das mulleres da súa familia. Tamén interviron Álvaro Liste e Noelia Papín de Serea Films; Carlos L. Ríos, de El creador de nubes; Dora Vieiro, da empresa Aquelando SL; e Luis Pombo, de Leiloio International.
Os estudantes foron recibidos polo alcalde, Blas García; a concelleira de Promoción Económica e Innovación, Ana Belén Paz; e maila edila de Planificación e Xestión Educativa e Mocidade, Carmen Porto. O rexedor díxolles que “é moi importante proporcionar espazos de traballo ás persoas con ideas novas, para que teñan un lugar que permita fomentar as sinerxías entre os sectores económicos e os axentes sociais”.
- Ni cada dos semanas ni cada mes: los expertos se pronuncian sobre la frecuencia exacta con la que debemos cambiar las sábanas
- El Correo Gallego - Diario de la capital de Galicia
- “Nunca he estado en una ciudad como Santiago, por eso creo que estoy muerto y me lo he inventado todo”
- Se lleva el 'zasca' de su vida tras negar que el gallego es un idioma: 'No eres bilingüe cari
- Así es el impresionante ático dúplex en venta en Santiago de Compostela, con espectaculares terrazas y el piso más barato del casco histórico
- Alerta amarilla por fuertes lluvias en Galicia desde este lunes: ¿Hasta cuándo lloverá en Santiago?
- Una reunión de exalumnos de Teo superó el medio millar de comensales en el entorno de la capilla de As Cabezas
- Una madre pide ayuda para esclarecer el atropello de su hija menor en Santiago