Compromiso Outes propón crear chan industrial na zona da Xurisdición-Brión de Abaixo
Un dos proxectos máis ambiciosos de Manuel González é a integración urbana do río Tins
O alcalde de Outes e candidato á reelección por Compromiso Outes, Manuel González, presentou un programa electoral cuxo primeiro punto é a aprobación definitiva da modificación do PXOM para fixar o chan industrial na zona da Xurisdición-Brión de Abaixo.
Así mesmo, comprométese a apoiar as iniciativas de xestión sostible do monte, incluíndo ás Sociedades de Fomento Forestal, e a colaborar con propietarios particulares, coas comunidades de montes e con axentes do sector para a súa xestión eficiente e sostible, mantemento de camiños, creación de roteiros e loita contra os incendios.
No eido turístico, González pretende impulsar o Espazo Museístico da Carpintería de Ribeira Estaleiro de Ciprián como centro de referencia cultural e desenvolver proxectos para a recuperación de embarcacións tradicionais e a formación en carpintería de ribeira.
No eido das infraestruturas, plantexa un plan de racionalización e coidado das mesmas, priorizando o mantemento sobre a construción doutras novas, así como a continuación das actuacións para conservar os paseos marítimos da Ponte, Rates, Broña e O Freixo.
Ademais, quere seguir coa eliminación das tubaxes de fibrocemento e a substitución por tubaxes adecuadas na rede de abastecemento de auga na Serra de Outes.
Un dos seus grandes proxectos é a mellora da integración do río Tins no seu tramo urbano, así como a mellora da praza consistorial, a construción dunha bancada para conectar o paseo fluvial coa zona da ponte da Serra, a construción dunha nova pasarela que comunique a praza consistorial coa rúa do Tines e a recuperación de espazos ao longo do río. González quere mellorar tamén a fachada marítima do Freixo, apostando por máis espazos para os peóns, e continuar a renovación dos espazos urbanos do Cruceiro de Roo, Ponte Nafonso e A Serra.
- El Correo Gallego - Diario de la capital de Galicia
- Estos son los dos pueblos más felices de Galicia: los únicos en el top35 de España
- Un hotel de Santiago se cuela entre los mejores de España al ganar la nueva distinción de la Guía Michelin
- ¿Por qué es tradicional colocar "ramas de xesta" en las puertas de las casas durante el mes de mayo en Galicia?
- Deja tu vitrocerámica como nueva con dos productos que siempre tenemos en casa
- Un alumno del Colegio Peleteiro de Santiago arrasa en la Olimpiada Española de Química: se lleva el bronce tras hacer doblete en Galicia
- Acciona se asocia con Nissan para la distribución en Europa de su nuevo nanocar Silence S04
- SOS de las inmobiliarias y clientes: ya no queda vivienda para alquilar o vender en la localidad de O Milladoiro