Aberto o prazo de solicitude das tarxetas de residente para as novas rúas de zona ORA
A Xunta de Goberno local aprobou a creación de prazas ORA na contorna do Clínico e modificacións en zonas reservadas ao estacionamento de residentes
Redacción
O Concello de Santiago informou este martes que os cidadáns que cumpran os requisitos establecidos na ordenanza municipal da ORA para obter o distintivo de residente por domicilio, por traballo ou actividade profesional ou por municipio poderán solicitar o correspondente distintivo de aparcamento para as novas rúas de zona azul ORA e de zona verde aprobadas polo goberno local.
Foi na xunta de goberno do 5 de febreiro cando Raxoi aprobou a creación de prazas da ORA na contorna do Hospital Clínico, tal e como estaba xa anunciado, así como modificacións en diferentes zonas reservadas ao estacionamento de residentes. O concelleiro de Mobilidade, Xan Duro, explicou este luns que os cambios “responden por unha banda á alta demanda de aparcamento vinculada á situación do CHUS, e pola outra ao estudo sobre a ocupación das zonas verdes e a peticións que foron achegadas pola veciñanza”.
Zona ORA nos arredores do CHUS
Na contorna do Hospital Clínico, a xunta de goberno acordou incorporar ao sistema ORA un total de 287 prazas, situadas na avenida de Barcelona (110 prazas), a rúa de Antonio Rama (32 prazas), rúa Manuel Caeiro (16 prazas), avenida de Bilbao (43 prazas), rúa Sempre en Galiza (40 prazas), e a rúa Valentín Varela Iglesias (22 prazas), así como outras 24 prazas que combinarán franxas horarias de ORA e de carga e descarga nas rúas Antonio Rama e na avenida de Barcelona.
Estas prazas funcionarán baixo o réxime xeral da ORA pero sen obriga de rotación, de maneira que se poderá renovar o tíquet cada dúas horas sen obriga de mover o vehículo. Duro insistiu en que o obxectivo “é evitar a presenza dos chamados vehículos ventosa, aqueles que permanecen estacionados na mesma praza durante longos periodos de tempo, habitualmente durante a semana laboral”.
Outras modificación na ORA
Ao tempo, o goberno local acordou diferentes modificacións na zona 9 de Santa Marta. Unha delas aféctalle ao barrio de Santo Ignacio de Loyola, onde se reservarán 11 prazas para residentes 24 horas, e outras 7 para residentes en horario nocturno. Na rúa Doutor Maceira, acordáronse dous cambios: entre os números 10 e 14 habilitaránse 10 prazas para residentes 24 horas, que na actualidade son para residentes só en horario nocturno; mentres que na parte baixa da rúa, a marxe dereita será de estacionamento libre unha vez finalizada a ORA, habida conta dos baixos niveis de ocupación nocturna por residentes.
- Cierra un nuevo local en la 'milla de oro' de Santiago y ya se alquila por 3.500 euros al mes
- Vuelven los conciertos a la azotea de este hotel de Santiago: gastronomía y música para iniciar la cuenta atrás del verano
- La Urbana llega a Santiago: el nuevo local de hamburguesas abrirá esta semana en Cancelas
- Sin fecha para la residencia de Santiago donada por Amancio Ortega: la Xunta mantiene la previsión de abrirla este mes
- Caamaño asegura que Ángel Facio llega a Santiago para "coger el toro miura que es el CHUS
- Raxoi otorga la licencia para ampliar la gasolinera más barata de Santiago
- Los Reyes que yacen enterrados en la Catedral de Santiago: visitas guiadas al Panteón Real
- Sar: barrio rico, barrio pobre