Caldo de gloria, ofrenda floral, moita música e máis poesía para celebrar o Día de Rosalía na capital galega
Os días 23 e 24 Santiago conmemora os 187 anos do nacemento da poeta
Participan 13 colexios e 30 locais de hostalaría
![Rosalía de Castro naceu o 23 de febreiro do ano 1837, este venres conmemórase o seu 187 aniversario](https://estaticos-cdn.prensaiberica.es/clip/a0361cdc-ca71-49d8-965b-9e7c2b6f90d8_16-9-discover-aspect-ratio_default_0.jpg)
Rosalía de Castro naceu o 23 de febreiro do ano 1837, este venres conmemórase o seu 187 aniversario / CEDIDA
A.T.
Un ano máis Santiago únese aos actos conmemorativos do nacemento de Rosalía de Castro, o 23 de febreiro de 1837. Xunto coa Fundación Rosalía, a Xunta, a asociación Raigame, o Concello participa ás 11 horas deste venres na ofrenda floral que vai ter lugar na praza de Vigo, pois foi nas súas proximidades onde hai 187 anos naceu a poeta máis importante da literatura galega.
Neste primeiro evento poñerán a música a formación Carapaus e colabora alumnado dos colexios Quiroga Palacios e Cluny mediante a lectura de poemas. Ademais, este ano, contarase coa presenza de centros galegos no exterior, concretamente sumaranse os de Donostia, Castelló, Burgos, Alacante e Valencia.
Como tamén é tradicional, os eventos pasarán de seguido ao Hostal dos Reis Católicos, onde Rosalía de Castro era bautizada o 24 de febreiro de 1837. Neste acto institucional, no que se contará coa presenza de membros da Corporación local, leranse novamente poemas da homenaxeada e gozarase coa música de dous alumnos da Escola municipal (Estela Pereira e Lucas Lugo), novamente Carapaus e Faia.
Programa Festival Rosalía 2024
Programa Festival Rosalía 2024O terceiro dos actos centrais da xornada será o Caldo de Gloria, que se servirá en 13 colexios da cidade e en 30 establecementos de restauración, grazas á adhesión a homenaxe da Asociación Hostelería Compostela e hostalaria.gal. Para este evento, a organización reparteu por toda Galicia 80.000 manteis conmemorativos.
Festival Rosalía en Mazarelos
Os días 23 e 24 desenvolverase, con epicentro na praza de Mazarelos, o festival Rosalía, organizado pola Deputación da Coruña e o Concello de Santiago, que baixo o lema ‘Un grande atrevemento’ conxugará poesía, escena, música, artesanía e narración oral a través dunha quincena de actividades.
Dende as 17 horas do venres poderase visitar o mercado de produtos ‘con marca Rosalía’ e a partir das 17.30h. a música e a poesía circularán da man con ‘Somos ríos, somos fontes, somos regatos pequenos’, Dúo Vaguedades e o proxecto da Deputación da Coruña para conmemorar a autora do Día das Letras, Luísa Villalta. Trátase de ‘Indóciles’ coa narradora Vero Rilo e a música Mónica de Nut.
Dende as 11 horas do día 24 xa haberá actividade en Mazarelos, xunto ao mercado artesán haberá tamén obradoiros. A música comezará ás 12 con Opera’s Break e ás 16.30 horas poderemos acompañar a Os Quinquillas no ‘pasarrúas rosaliano’. Ás 20h. será o recital ‘O atrevemento da voz nos versos’, organizado polo editor Antón Lopo, e pechará os actos o concerto de Loita Armada ás 21.15h.
- El Correo Gallego - Diario de la capital de Galicia
- La lluvia reaparece en el verano de Galicia: este es el pronóstico de MeteoGalicia para el fin de semana
- La misa y ofrenda floral en honor a Rosalía de Castro congregan a más una treintena de instituciones gallegas
- Dos menores heridas en Muros al saltar desde un puente cuando pasaba un barco por debajo
- Impresionante chalet de ensueño en Santiago de Compostela: a 10 minutos del centro y 30 de la playa, todo un lujo a buen precio
- Esta es la aldea gallega que se encuentra al borde de los acantilados más altos de Europa: en la provincia de A Coruña
- La ola de calor se atenúa en Galicia: el alivio será temporal porque así se prevé el tiempo
- Os premios Alba de Compostela conseguen unir a todos os membros da Corporación local