Parcela de Peleteiro: a Sareb rexeita todas as propostas do Concello de Santiago
A alcaldesa Goretti Sanmartín non pecha a porta a seguir negociando
Raxoi xa solicitou xuntanza cos ministerios de Vivenda e Facenda
Estado actual del antiguo colegio Peleteiro situado en el Ensanche de Santiago / Jesús Prieto
O Concello de Santiago deu conta na mañá deste luns do rexeitamento por parte da Sareb de todas as propostas presentadas dende Raxoi en canto a urbanización da parcela de Peleteiro. O Executivo de Goretti Sanmartín xa convocou os colectivos que integran a comisión Peleteiro para dar conta destas negociacións, a reunión será o vindeiro 18 de abril.
Sanmartín explicou que dende o Goberno non se deu conta até agora do resultado das negociacións por mor da discreción que solicitou a propia Sareb, afirmou que dende Raxoi se mantiveron na mesa as propostas dos anteriores gobernos, e mais novas propostas achegadas dende que o BNG accedeu ao Goberno municipal, e todas elas foron rexeitadas, aínda que o Executivo local non se pecha a seguir negociando.
A este respecto, Sanmartín fixo mención ás palabras da ministra de Vivenda, Isabel Rodríguez, que se referiu a que a Sareb debe estar ao servizo das políticas de vivenda e anunciou a solicitude do Goberno local de reunirse tanto con ese ministerio coma co de Facenda -de quen depende a Sareb-.
Licenza en curso, o proxecto da Sareb
O rexeitamento da Sareb implica que non se manteña un 20% de vivenda de protección na parcela de Peleteiro, tan só unha cesión de espazo público que lonxe de ser a praza que quería Santiago quedará, inicialmente, nun tramo de rúa peonil orientado a San Pedro de Mezonzo.
Segundo contou o edil de Urbanismo, Iago Lestegás, está en trámite administrativo a licenza solicitada pola Sareb para a urbanización da parcela, paralizada agora á espera de que o planeamento subsane deficiencias detectadas polos técnicos municipais.
A urbanización que quere levar a cabo a Sareb contemplan soto, baixo e primeiro andar de uso comercial, o terceiro dedicarase a ocio e restauración, entre o primeiro e o sétimo andares serán para uso de oficinas e do cuarto ao oitavo estableceranse vivendas, un total de 41 de uso libre, ningunha de protección.
Todos os usos contemplados deben cumprir as condicións de non superar os 1.000 metros cadrados e dispor de acceso independente.
- El dueño de un bar de Santiago y otras dos personas acaban en el hospital tras ingerir sin saberlo un pastel de marihuana
- Deportes Cibeira echa el cierre después de 45 años: “Con algunos clientes te saltan las lágrimas”
- Una mirada al pasado de Santiago en color: así era la Compostela de principios del siglo XX
- Crónica social compostelana | Jubilación en Monte do Gozo
- La empanada esculpida en el Pórtico de la Gloria: el manjar que los godos trajeron a Galicia
- El parricidio de Brión: la muerte a hachazos del Dr. Antonio Pensado estremeció a la sociedad compostelana
- Confirmada la Panorama en Santiago: Raxoi hace oficial el lugar de la actuación pese a las advertencias de Apatrigal
- Los futuros médicos celebran su graduación por todo lo alto en el Multiusos Fontes do Sar
