Ames ilumina o Concello de amarelo e súmase ó Día Mundial da Endometriose
O Concello de Ames súmase ás conmemoracións polo Día Mundial da Endometriose, e en colaboración coa asociación querENDO, iluminou de amarelo durante a tarde-noite do martes 14 de marzo a fachada da súa casa consistorial. Estímase que unhas 60.000 persoas padecen endometriose en Galicia, unha enfermidade crónica e inflamatoria de causa descoñecida influída polo ciclo menstrual, e que pode provocar sangrado, trastornos intestinais, infertilidade e fortes dores. Convídase á veciñanza a subir fotos ás redes co hastag #stopENDOMETRIOSE ou #mulleresconendometriose. Para esta iniciativa, o Concello de Ames colabora con querENDO, unha asociación sen ánimo de lucro galega xurdida en 2015 que persegue contribuír á axuda física, psicolóxica e educativa das persoas afectadas pola endometriose. O obxectivo é dar a coñecer a doenza, axudando ao diagnóstico precoz e evitando o deterioro da calidade de vida. A endometriose é unha enfermidade crónica e inflamatoria da capa que recubre o útero.
Temas
Más en Área
-
Incautan 548 poliquetos en Ponteceso: por qué hay que conservar estas lombrices de mar
-
A localidade amesá de Bugallido vai ser o marco dunha charla sobre acollemento familiar o vindeiro 6 de xuño
-
El Día do Orgullo incluirá en Padrón cine, concierto, hinchables y muestra
-
El tirón de la Semana Verde de Silleda: 3.600 reuniones para sesenta y seis turoperadores de veinticuatro países