Portos encargou un estudo para a integración e reordenación da fachada marítima de Labarta
Así o expuxo a presidenta do ente público, Susana Lenguas, nunha reunión co alcalde, Santiago Freire, e representantes do estudo adxudicatario
A Administración autonómica, a través de Portos de Galicia, contratou a redacción dunha proposta preliminar de ordenación arquitectónica da fachada marítima de Noia para aportar unha concepción global dos espazos para desenvolver a chancela portuaria de Labarta.
Así o expuxo a presidenta do ente público, Susana Lenguas, nunha reunión co alcalde, Santiago Freire, e representantes do estudo de arquitectura adxudicatario dos traballos.
Todas as partes coincidiron en que o porto de Noia é un importante espazo tanto para eventos como para actividades deportivas e tamén destacaron a necesidade de contar con superficie para aparcadoiro.
En relación coa chancela portuaria de Labarta, Portos busca que a solución que se presente contemple en detalle as necesidades actuais e manteña coherencia coa contorna da fachada marítima. Para isto é necesaria unha perspectiva xeral do espazo baseada na ordenación, integración paisaxística, mellor aproveitamento da superficie portuaria e posta en valor da franxa litoral do municipio.
Temas
Más en Área
-
LE AQUI O ESPECIAL EN PDF DA FESTA DO PAN DE CARRAL 2024
-
El certamen Canta con Ames convoca a todos los ruiseñores de Galicia a demostrar sus dotes con galardones en metálico
-
Llamamiento a directores de todo el mundo para que se sumen al festival Cinema Miúdo de Ames
-
Los ‘nuevos equipos’ directivos del Instituto do Milladoiro aguardan que se retome la normalidad